भांगरभूंय | प्रतिनिधी
प्रा. नयना सैलः झांट्ये म्हाविद्यालयांत आंतरराष्ट्रीय महिला दीस
भांगरभूंय । प्रतिनिधी
दिवचलः दरेका येसस्वी दादल्या फाटल्या बायलेचो हात आसता तेच वरी दरेक बायल येसस्वी जावची हे खातीर दादल्यान हातभार लायलो जाल्यार दरेकल्याचे जिणेंत गोडसाण येतली. जिणेंत दरेका खिणाक बायलांनी दिल्लो वेळ फुकट वचपाकूच शकना. हे खातीर दरेके बायलेचो मागीर ती आजी, आवय, घरकान्न, भयण वा चली आसूं, तांचो आदर केलो जाल्यारूच समाज सुदरचे खातीर व्हड हातभार लागतलो, अशें ज्येश्ठ प्राध्यापिका नयना सैल हांणी सांगलें.
दिवचलच्या नारायण झांट्ये वाणिज्य म्हाविद्यालयान आयोजीत केल्ल्या आंतरराष्ट्रीय महिला दिसा निमतान सैल मुखेल सोयरी म्हूण उलयताली. ह्या वेळार माचयेर प्राचार्य राजेंद्र कुंभारजुवेंकार, प्रा. नंदिनी कामत, प्रा. शेरीन शेख, प्रा. श्वेता बेरकार, डॉ. झिमली अधिकारी, प्रा. अनुराधा नायक बांदिवडेकार, प्रा. कृपा मयेंकार, प्रा. सिंदुरा मळीक, शांती नारुलकार, रेश्मा म्हांबरे, बबिता काणेकार, शितल मुंडेकार माचयेर हाजीर आशिल्ले.
प्राचार्य कुंभारजुवेंकार हांणी महिला दिसा निमतान आपले विचार मांडले. हेर महिला प्राध्यापकांनीय आपले मत मांडले. ते उपरांत दरेके महिला प्राध्यापकांक प्राचार्य कुंभारजुवेंकार हांचे हस्तुकीं गुवाबाचें फूल भेटोवन शुभेत्सा दिल्यो. ते उपरांत आंतरराष्ट्रीय महिला दिसा निमतान केक कांपलो. सुत्रसंचालन डॉ. प्रवीण सावंत हांणी केलें जाल्यार प्रा. शेरीन शेख हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
