बायलांची वुशू लीगः गोंयच्या जानिवा आनी फरझीन जकातीक रुप्या पदकां

भांगरभूंय | प्रतिनिधी

भांगरभूंय । खेळां मेज
मडगांवः  गोंयच्या जानिवा फर्नांडीस आनी फरझीन जकाती हांणी पश्चीम विभागीय खेलो इंडिया बायलांच्या वुशू लीग सर्तींत रुप्या पदकां मेळयलीं. गोंय वुशू असोसिएनाच्या येजमापदा खाला भारतीय  वुशू असोसिएशनांत गोंय खेळां प्राधिकरणाच्या मार्गदर्शना खाला नावेलीं हांगच्या मनोहर पर्रीकार इनओअर स्टेडियमांत हे सर्तीचें आयोजन केलां.
जानिकान चांगक्वेन  ‘अ’ गटांत ज्युनियर विभागात रुप्या पदक जिखलें जाल्यार फरझीनान तायजिजियान सिनियर गटांत रुप्या पदक मेळयलें. इनाम भेटवण कार्यावळीक बीपीएस स्पोर्ट्स क्लबाचो अध्यक्ष योगिराज कामत, मडगांव पालिकेची उपनगराध्यक्ष दीपाली सावळ, नावेलीचो जिल्हो पंचायत वांगडी एडवीन कार्दोज हाजीर आशिल्लो.
चांगक्वेन  ‘अ’ गटांत ज्युनियर विभागात साईशा गडेकारान तिसरी, सुमिक्षा तोरस्कारान चवथी सुवात मेळयली..चांगक्वान ब गटांत उत्कर्षा दामाजीन दिसरी, नानक्वान अ गटांत गायत्री राऊतान चवथी, तायजिनियान अ गटांत दीक्षा दाभोळकारान चवथी, जिजांसू अ सिनियर गटांत अंशू जयस्वालान तिसरी सुवात, 48 किलो गटांत नुरजोहून अहमदान चवथी, चांगक्वान गटांत  जोरवालीन फर्नांडीसान तिसरी, तायजिक्वान गटांत शबनम शेखान तिसरी, सिया पेडणेकारान चवथी आनी  जियांसूत काजल चव्हाणान तिसरी सुवात मेळयली.