भांगरभूंय | प्रतिनिधी
भारतांत बायलांक सतावपी सगल्यांत व्हडलें दुयेंस म्हणल्यार हुस्को. ताका लागून झेमूय सारकी लागना. आयचे धांवपळींत स्वता कडेन लक्ष दिवपाक कोणाक वेळ नाशिल्ल्यान बायलांच्यो भलायकेच्यो समस्या खूब वाडल्यात. पीसीओडी कॅन्सर, उच्च रक्तदाब, गोडेंमूत, वजनांत वाड, फाटीचे, पोटाचे रोग, सांधेदुखी, बाळंतपणा उपरांतचो थकवो, किडनीचे विकार असल्या दुयेंसांनी बायलांची जीण धवळून वता.
सध्याच्या काळात घरसंवसार, भुरगीं बाळां, नोकरी आशिल्ल्यान तांचे जिणेशैलींत जायतो बदल जाल्लो दिसता. एका दुयेंसांतल्यान भायर सरता म्हणसर दुसरी समस्या मुखार येता. चलयांनी, बायलांनी आपली भलायकी सांबाळपाक जाय. जाण्टेपणार नाका त्या दुयेसां पसून सुटका मेळोवपाची आसा जाल्यर सदांच आपली जीणेशैली वेवस्थीत दवरपाक जाय.
दुयेंसांचें एक कारण म्हणल्यार हुस्को, ताण, तणाव. घरांतलीं बायल दुयेंत पडली काय पुराय घराचें वातावरण इबाडटा. आरोग्य बरें ना जाल्यार ती घरांतल्यांक बरे तरेन सांबाळूंक शकना. तिची भलायकी सदांच बरी आसप गरजेचें. तरुच ती संवसाराचो गाडो ओडपाक शकतली.
दुसरी समस्या, मासीक पाळयेची. ते विशीं खूब कागाळी. केन्ना चड रक्त वता, केन्ना मासीक चक्र बदलता. ते खातीर मुड आॅफ जाता, हार्मोन्सांची संतुळा इबाडटा. योग्य पुश्टीक आहार घेवंक नाशिल्ल्यान अशक्तपणा येता. जीवाक पुरो जाता. एकूय काम धड जायना. नोकरी करपी बायलांक तारे वयली सर्कस करची पडटा. तांचे मदीं युरीन इन्फेक्शन चड प्रमाणांत जाता. कामाच्या जाग्यार उदकाच्या उणावाक लागून ही समस्या जाता. कॅल्शियम उणें जाल्ल्यान पाठदुखी, कंबरदुखी, मानेचें दुखणें जाता. फाटीच्या मणक्याचें दुखणें वाडटा.
सदच्या जेवणा खाणांत प्रोटिन्स, व्हिटामिन्स आसपाक जाय. सदांच गांवठी तूप जेवणांत वापरचें. आपले बरे भलायके खातीर फास्ट फूड बंद करचें. भायर खावचें न्हय. खाजूर, अंजीर, केळीं, द्राक्षां, डाळिंब, पेरां खावचीं. नासणे, सोयाबीन, बाजरी अश्या मिक्स धान्याची भाकरी खावप बरें. बायलांची भलायकी हीच खरी संपत्ती.
सिद्धी तिळवे
9158200956
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
