भांगरभूंय | प्रतिनिधी
9 ते 14 वर्सां पिरायेच्या चलयांक दितले लस ः अर्थमंत्री निर्मला सीतारामन
नवी दिल्ली, खबरां संस्था ः देशांतल्या बायलांक गर्भाशयाच्या कॅन्सरापसून (Cervical Cancer) मुक्त करपाचो मोदी सरकारान ‘संकल्प’ केला. ह्या कॅन्सराक आडावपा खातीर 9 ते 14 वर्सां पिरायेच्या गटांतल्या चलयांक लस दितले अशी म्हत्वाची घोशणा अर्थमंत्री निर्मला सीतारामन हांणी आयज केली.
संवसारभर बायलां मदीं गर्भाशयाच्या कॅन्सराचो (Cervical Cancer) चवथो नंबर आसा. दर वर्सा सुमार 3 लाख बायलांक ह्या कॅन्सराक लागून मरण येता. ह्या कॅन्सरा पसून भारताक सोडोवपाचो केंद्र सरकारान संकल्प केला हें आयच्या अर्थसंकल्पीय भाशणा वयल्यान स्पश्ट जालें. एचपीव्ही सारकिल्ल्या लसीक लागून संवसारभर गर्भाशयाच्या कॅन्सर ९० टक्क्यांनी उणो जाल्ल्याचें दिसून आयलां. देखूनच केंद्र सरकारान फुडल्या वर्सांनी 9 ते 14 वर्सां पिरायेच्या चलयांक ही लस दिवपाचो संकल्प केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
