भांगरभूंय | प्रतिनिधी
अपघाता उपरांत गॅस गळटी; चालक किरकोळ जखमी
भांगरभूंय । प्रतिनिधी
फोंडें: बायथाखोल बोरयेच्या धोकादायक जंक्शनाचेर आयतारा फांतोडेर 4.30 वरांच्या सुमाराक गॅस व्हरपी टेंपो लवंडलो. तातूंत टेंपो चालक उपेंद्र कुमार (35, उत्तर प्रदेश) किरकोळ जखमी जाला. अपघाता उपरांत गॅस गळटी जाली. ती आडावपा खातीर उजो पालोवपी दळाच्या जवानांक आपयले. सुमार दोन वरां उपरांत जवानांनी स्थितीचेर नियंत्रण मेळयलें.
मेळिल्ले म्हायती प्रमाण आयतारा फांतोडेर एमएच 09 एफएल 7527 नंबराचो टेंपो मडकयच्यान बोरये पेट्रॉल पंपाचेर गॅस घेवन वतालो. धोकादायक जंक्शनाचेर तो रस्त्याचेर आडवो पडलो. ते परांत गॅस गळटेक सुरवात जाली. फोंडें उजो पालोवपी दळाक हाची म्हायती दिताच ताकतिकेन जवानांनी घडणुकेचे सुवातेर धांव मारली. आयतार हो सुटयेचो दीस आशिल्ल्यान येरादारेचे कोंयडेचो प्रस्न निर्माण जावंक ना. हेर दिसांनी अपघात जाल्लो जाल्यार कोंयडी जावन लोकांचे हाल जावपाचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
