भांगरभूंय | प्रतिनिधी
भांगरभूंय । प्रतिनिधी
मुरगांवः बायणा- वास्को हांगच्या रवींद्र भवना वतीन विद्यार्थ्यां खातीर 12 एप्रील तें 15 मे मेरन कला आनी चित्रकला कार्यशाळेंचें आयोजन केलां. वास्कोचो आमदार कृष्णा साळकार हाणे दिवपी पटोवन बुधवाराक ताचें उक्तावण केलें. ह्या वेळार रवींद्र भवनाचो अध्यक्ष जयंत जाधव, नगरसेवक दीपक नायक, कार्यशाळा मार्गदर्शक अपेक्षा नाडकर्णी हाजीर आशिल्ली.
भुरगीं सध्या मोबायलाचे भकीक पडत चल्ल्यांत. तांचेर नियंत्रण दवोरपाक पालकांक कुस्तार जाता. गिमाळी सुटी म्हणल्यार भुरगांचो टीव्ही आनी मोबायल होच एक उपक्रम आसता. गिमाळी सुटी बऱ्या कारणा खातीर आसची हे खातीर रवींद्र भवमान कला आनी चित्रकला कार्यशाळेचें आयोजन करून एक बरें काम केलां अशें साळकारान सांगलें. भुरग्यांक मोबायला पसून पयस दवोरपा खातीर पालकांनी हे कार्यशाळेचो लाब घेवचो अशें आवाहन तांणे केलें. कार्यशाळेंत 45 भुरग्यांनी वांटो घेतला अशी म्हायती रवींद्र भवनाचो अध्यक्ष जयंत जाधवान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
