भांगरभूंय | प्रतिनिधी
भाजप समर्थक पॅनला कडल्यान उमेदवारी दाखल
भांगरभूंय । प्रतिनिधी
पणजी : पणजी म्हापालिका वेंचणुकेंत 50 टक्के नव्या चेऱ्यांक उमेदवारी दिवपाची घोशणा येणावळ खात्याचे मंत्री बाबूश मोन्सेरात हांणी केल्ली आसली तरी तांकां 20 टक्के म्हणल्यार सातूच नव्या चेऱ्यांक उमेदवारी दिवप शक्य जालां. पॅनलांतले 80 टक्के उमेदवार हे पोरणेच आसात. महालक्ष्मी मंदिरांत देवीचें दर्शन घेवन भाजप समर्थक बाबूश मोन्सेरात पॅनलाच्या उमेदवारांनी शुक्रारा उमेदवारी अर्ज भरले.
पणजी म्हापालिके खातीर 11 मार्चाक वेंचणूक जातली. वेंचणुकेची कार्यावळ जाहीर जावन 17 फेब्रुवारी सावन उमेदवारी अर्ज घेवपाक सुरवात जाल्या. बाबूश मोन्सेरात हांचें भाजप समर्थक पॅनल आनी उत्पल पर्रीकार हांचें आमी पणजेकार पॅनल हांचे मदीं पणजी म्हापालिके खातीर सरळ लडत जातली. आमी पणजेकार पॅनलाच्या उमेदवारांची अजून घोशणा जावंक ना. तरी लेगीत सुरेंद्र फुर्तादो हांणी शुक्रारा उमेदवारी अर्ज सादर केलो. युतिका जांबावलीकार, संजीव देसाय, करीना शिरोडकार, तुकाराम चिन्ननावर, निकीता नायक, विद्या गडकार आनी किर्ती सांखळकार हे नवे चेरे आसात.
अर्ज सादर केल्ले भाजप समर्थक पॅनलाचे उमेदवार अशें : महानगरपालिका उमेदवारांचीं नांवां. प्रभाग 1 एसटी महिला : युतिका जांबावलीकार, प्रभाग 2 ओबीसी महिला : कॅरोलिना पो, प्रभाग 3 ओबीसी महिला : मार्गारीडा फर्नांडीस, प्रभाग 4 सर्वसामान्य : रोहीत मोन्सेरात, प्रभाग 5 सर्वसामान्य : किशोर शास्त्री, प्रभाग 6 ओबीसी : बेंतो लॉरेना सिल्वेस्टर, प्रभाग 7 सर्वसामान्य : संजीव देसाय, प्रभाग 8 ओबीसी महिला : करीना राजेश शिरोडकार, प्रभाग 9 सर्वसामान्य : कबीर फिलीप पिंटो मखिजा, प्रभाग 10 सर्वसामान्य : प्रसाद आमोणकार, प्रभाग 11 सर्वसामान्य : तुकाराम चिन्ननावर, प्रभाग 12 सर्वसामान्य : वर्षा हरी शेट्ये, प्रभाग 13 सर्वसामान्य : उदय वामन मडकयकार, प्रभाग 14 ओबीसी : प्रजोत संतोष वायंगणकार, प्रभाग 15 ओबीसी : शायनी चोपडेकार, प्रभाग 16 महिला : अस्मिता केरकार, प्रभाग 17 सर्वसामान्य : डेनीस एडवर्ड फ्रांसिस जॉर्ज, प्रभाग 18 सर्वसामान्य : कृष्णा रामदास शिरोडकार, प्रभाग 19 महिला : निकीता नायक, प्रभाग 20 सर्वसामान्य : शुभम चोडणकार, प्रभाग 21 ओबीसी : मनिषा मणेकार, प्रभाग 22 महिला : दिक्षा माईणकार, प्रभाग 23 महिला : विद्या सतीश गडकार, प्रभाग 24 सर्वसामान्य : करण यतीन पारेख, प्रभाग 25 महिला : किर्ती यतीन सांखळकार, प्रभाग 26 सर्वसामान्य : वसंत यतीन आगशीकार, प्रभाग 27 ओबीसी : विठ्ठल यतीन चोपडेकार, प्रभाग 28 सर्वसामान्य : रुपेश रवींद्र हळर्णकार, प्रभाग 29 महिला : सॅंड्रा मारीया डीकुन्हा, प्रभाग 30 सर्वसामान्य : एस. मारीया फर्नांडीस.
हे भायर प्रभाग 9 त सुरेंद्र फुर्तादो आनी ब्लादिमीर आंतोनियो आंजेलो द मोंते हांणी उमेदवारी अर्ज भरला.
आमी पणजेकार सोमारा उमेदवारी अर्ज भरतले
उत्पल पर्रीकार हाच्या आमी पणजेकार पॅनलचे उमेदवार सोमारा अर्ज सादर करतले. चडशे उमेदवार निश्चीत जाल्यात, अशी म्हायती उत्पल पर्रीकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
