बाणावले जि. पं. पोटवेंचणुकेंत जोसेफ पिमेंता जैतिवंत

भांगरभूंय | प्रतिनिधी

मडगांव, प्रतिनिधी ः बाणावले जिल्लो पंचायत पोटवेंचणुकेंत आम आदमी पक्षाचे उमेदवार जोसेफ पिमेंता हांकां जैत मेळ्ळे. इंडी आघाडीन पिमेंता हांकां तेंको दिल्लो.
आम आदमी पक्ष आनी आमदार व्हेंझी व्हिएगस हांणी मतदारसंघांत केल्ल्या वावराचो फायदो उमेदवार जोसेफ पिमेंताक जाल्ल्याचो दिसून आयलें. पयले फेरयेंत 2788 मतांची मेजणी जाली. तांतूत 21 अवैध मतां मेळ्ळीं. जोसेफ पिमेंताक 1374 मतां, ग्रेफीन्स फर्नांडिस 1015, रॉयला फर्नांडीसाक 323 आनी फ्रँक फर्नांडीसाक 55 मतां मेळ्ळीं.
दुसरे फेरयेंत 2650 मतांची मेजणी जाली. हांतूत 24 अवैध मतां आशिल्ली. जोसेफ पिमेंता 1267, ग्रेफीन्स फर्नांडिस 883, रॉयला फर्नांडिस 441 आनी फ्रँक फर्नांडिस हांकां 35 मतां मेळ्ळी. हे फेरये उपरांत पिमेंता हांकां 843 मतांची आघाडी मेळ्ळी.
तिसरें फेरयेंत 2935 मतांची मेजणी जाली. हांतूत 25 अवैध मतां आशिल्ली. जोसेफ पिमेंता 1508, ग्रेफीन्स फर्नांडिस 456, रॉयला फर्नांडिस 781 आनी फ्रँक फर्नांडिस हांकां 165 मतां मेळ्ळी. हे फेरये उपरांत पिमेंता हांकां 1795 मतांची आघाडी मेळ्ळी.
चवथ्या फेरयेंत 2119 मतांची मेजणी जाली. हांतूत 11 अवैध मतां आशिल्ली. जोसेफ पिमेंता 1523, ग्रेफीन्स फर्नांडिस 269, रॉयला फर्नांडिस 295 आनी फ्रँक फर्नांडिस हांकां 21 मतां मेळ्ळी.
मत मेजणी उपरांत फ्रँक फर्नांडीस हांकां 276 मतां, ग्रेफीन्स फर्नांडिस 2623, जोसेफ पिमेंता 5612, रॉयला फर्नांडीस 1840 मतां मेळ्ळीं. वट्ट 10492 मतांतली 81 मतां अवैध थारलीं जाल्यार 10411 मतां वैध थारलीं. आनी पिमेंता हांकां 3049 मतांनी जैत मेळ्ळे.