भांगरभूंय | प्रतिनिधी
मडगांव : बाणावले दर्यादेग वाठारांतल्या ‘युवर स्टोरी’ ह्या रेस्टॉरंटा कडेन वेपाराचो परवानो, उजो पालोवपी दळाचो परवानो वा हेर कसलीच परवानगी नाशिल्ली. हाका लागून जिल्लो प्रशासनान हें रेस्टोरंट सील केलें.
बाणावले दयारदेग वाठारांत कार्यरत आशिल्लें ‘युवर स्टोरी’ हें रेस्टोरंट कसलेच तरेचे परवानगे बगर सुरू आशिल्लें. जिल्लो प्रशासना कडल्यान केल्ल्या सर्वेक्षणांत ह्या रेस्टारंटा कडेन वेपार परवान्या सयत कसलीच परवानगी नाशिल्ल्याचें दिसून आयिल्लें. बिरेस्तारा सकाळीं अधिकारी रोहित कदम हांच्या नेतृत्वा खाला पंगडान बाणावलेचें युवर स्टोरी हें बेकायदेशीर चलपी रेस्टॉरंट सील केलें. ह्या वेळार कदम हांणी सांगलें, युवर स्टोरी ह्या रेस्टॉरंटा कडेन वेपार करपा खातीर गरजेचो परवानो नाशिल्लो. तशेंच उजो पालोवपी दळा कडल्यान परवानो घेवंक ना वा हेरूय कसलेच परवाने नाशिल्ल्याचें दिसलें. ते प्रमाण आतां हें रेस्टॉरंट सील केलें. तांकां गरजेच्यो परवानग्यो घेवपा खातीर संबंदीत अधिकारीणीकडे अर्ज सादर करपाच्यो सुचवण्यो केल्यात, अशेंय तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
