भांगरभूंय | प्रतिनिधी
म्हापशें पालिकेक बायोमास प्रकल्पाची मजत
भांगरभूंय । प्रतिनिधी
म्हापशें : म्हापशें शारांतल्या बागेंतल्या सुमार 12 टन कोयराचो विलो (गार्डन वेस्ट) म्हापशें पालिकेन साळगांवच्या बायोमास ब्रिकेट प्लांटा वतीन विलो लायलो. फाटल्या साबार वर्सां सावन गार्डन वेस्ट कोयराची समस्या पालिकेक सतयताली.
गोंय सरकाराच्या गोंय विद्यूत विकास एजन्सी वतीन (गेडा) प्रेस साळगांव पठाराचेर उर्जा प्रा. लिमिटेड हे कंपनीन बागेंतल्या कोयराचो विलो लावचे खातीर दर दिसा 40 टन तांकीचो ब्रिकेटींग प्लांट हो बायोमास प्रकल्प उबारला. हो प्रकल्प डियाइन, बिल्ड, ऑपरेट, फायनान्स आनी ट्रान्सफर (डीबीओएफटी) ह्या तत्वाचेर उबारला.
म्हापशें शारांतल्या बागेंतल्या कोयराचो विलो लावचे खातीर हे कंपनी वांगडा पालिकेन कबलात केल्या. एप्रीलाच्या निमाण्या सप्तका सावन शारांतल्या बागेंतलो कोयर पालिके कडल्यान वयल्या प्रकल्पांत धाडटात. फाटल्या म्हयन्याभरांत पालिके कडल्यान सुमार 12 टन बागेंतल्या कोयराचो ह्या प्रकल्पा वतीन विलो लायला. पालिकेच्या सगल्या 20 प्रभागांतलो बागेंतलो कोयर उखलून तो प्रकल्पांत व्हरचे कातीर पालिकेन कास पांच वांगड्यांची समिती नेमल्या. तातूंत एक पर्यवेक्षक आनी चार कामगार आसात. तशेंच ह्या पंगडाक एक ट्रक लेगीत दिला. दर दिसा दोन खेपे बागेंतलो कोयर प्रकल्पांत धाडटात.
म्हापशें शारांतली बागेंतल्या कोयराची समस्या पयस करपाच्या उद्देशान आमी साळगांवच्या बायोमास प्रकल्पा वांगडा कबलात केल्या. ते प्रमाण दर दिसा दोन खेपे आमी हो कोयर विलो लावचे खातीर प्रकल्पांत धाडटात. आमदार ज्योशुआ डिसोझा, उपनगराध्यक्ष प्रकाश भिवशेट आनी पालिका मंडळाचे मजतीन शारांतली कोयर समस्या सोडोवपाचे नदरेन आमी हें म्हत्वाचें पावल उखल्लां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
