भांगरभूंय | प्रतिनिधी
भांगरभूंय । प्रतिनिधी
फोंडेंः मोलें पंचायत वाठारांतल्या सांगोड गांवांतल्या शेतकारांच्या शेताक बांयच्या उदकाची पुरवण करून ती वाटावपाचे यत्न उदकास्रोत खात्याच्या अभियंत्यानी चलयल्यात. खारजांतल्या उदकाची पुरवण जायनाशिल्ल्यान सुमार 60 शेतकाराचीं शेंता करपवपाचे वाटेर आशिल्ली. धारबांदोडें तालुक्यांतले उदकास्रोत खात्याचो पालवी अभियंता सदानंद नायक आनी ज्युनियर अभियंतो सागर नायक हांचें शेतकारांक बरे सहकार्य मेळटा.
सांगोडच्याा शेतकारांक दर वर्सा खारजाच्या उदकाक लागून भाताची लागवड करतात. मात फाटल्या कांय वर्सां सावन खारजाक गळटी लागल्ल्यान उदक सांगडो मेरेन पावना. ताका लागून कांय शेतकारांनी शेता सोडपाचें थारायल्लें. मात उदकास्रोत खात्यान उदका पुरवण करपाचें उतर दिल्ल्यान तांणी लागवड केल्ली. शेतां करपवपाचे वाटेर आशिल्ल्यान अभियंत्यांनी तांका बांयच्या उदकाची पुरवण करपाचें आस्वासन दिल्लें. ते प्रमाण बांयचेर 5 एचपी पंप बसोवन तांणी उदका पुरवण सुरू केल्या. सुमार अर्द दीस उदका पुरवण जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
