भांगरभूंय | प्रतिनिधी
म्हापशें, प्रतिनिधी ः वागातोरा बांयंत पडिल्लो ऑस्ट्रेलियन नागरिक फ्लेमिंग डेनियल लुक (29) हाका म्हापशें उजो पालोवपी दळान वाटायलो. दळाचे जवान प्रवीण नायक गांवकार हांणी वांगड्याच्या मजतीन ताका सुरक्षीत भायर काडलो.
लूक हो आयज फांतोडेर सुमार 4 वरांचेर चुकून बांयत पडलो. हे घडणुकेची म्हायती म्हापसा उजो पालोवपी दळाक मेळ्ळ्या उपरांत दळाचे उपअधिकारी ज्ञानेश्वर सावंत हांच्या मार्गदर्शना खाला प्रवीण नायक गांवकार, वासुदेव ताटे, लविंदर साळगांवकार, आकाश कळंगुटकार आनी नितीन चोडणकार हो जवानांचो पंगड घडणूक सुवातेर पावलो. ते उपरांत प्रवीण नायक गांवकार आनी पंगडाच्या हेर जवानांच्या मजतीन नागरीकाक सुरक्षीतपणान भायर काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
