भांगरभूंय | प्रतिनिधी
फोंडें, प्रतिनिधी ः बांदोड्ड्यां उड्डाण पुलाचेर शेनवारा सकाळीं सुमार 3 वरांचेर कंटेनर उमथलो. ह्या अपघातांत कंटेनर ड्रायव्हराक कांय जावंक ना. ह्याच सुवातेर आतां मेरेन धा परस चड गाडयो उमथल्यात.
मेळिल्ले म्हायती प्रमाण, मुंबयच्यान गोंयांत आयिल्लो एमएच- 46- बीबी- 6204 क्रमांकाचो कंटेनर ढवळीच्या रस्त्या वयल्यान वतालो. बांदोड्ड्यांच्या उड्डाण पुलाच्या धोक्याच्या ओलताचेर त्याच दिशेन वचपी मोटारीक धपको बसचो न्हय म्हूण यत्न करतना कंटेनराचो डिव्हायडराक धपको बसलो आनी तो उमथलो. ह्या अपघातात कंटेनराचो ड्रायव्हर सचिन कांबळी वाटावलो. फोंडें पुलिसांनी ह्या अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
