भांगरभूंय | प्रतिनिधी
मीरपूरांत अफगाणिस्ताना आड सुरू जाल्ले एकोडे टॅस्टीच्या पयल्या दिसा येजमान बांगलादेशान 5 विकेटी वगडावन 362 धांवड्यो केल्यो. ताच्या नजमूल हसन शांतोन शेंकडो नोंदयलो.
पयल्या दिसाचो खेळ सोंपलो त्या वेळार मुश्फिकूर रहीम 41 आनी मेहदी हसन मिराज 43 धांवड्यांचेर नाबाद आशिल्लो.
ते पयलीं टॉस हारल्या उपरांत पयलीं बॅटींग करपी बांगलादेशाची सुरवात बरी जाली ना. स धांवड्यांचेर पयली विकेट वगडायली. ओपनर जाकिर हसन एक धांवडी करून निजत मसूदाच्या बॉलाचेर बाद जालो. ते उपरांत नजमूल हसन शांतोन ओपनर महमुदौल हसन जॉय हाच्या वांगडा मेळून डाव सांबाळ्ळो. दोगांयनी दुसरे विकेटी खातीर 267 बॉलांनी 212 धांवड्यांची भागिदारी केली. हे भागिदारीक लागून बांगलादेशान आपली स्थिती घटमूट केली. ही भागिदारी रहमत शाहान फोडली. ताणें हसन जॉयाक बाद केलो.
बांगलादेशा वतीन नजमूल हसन शांतोन कारकिर्दींतलो तिसरो शेंकडो पुर्ण केलो. ताणें 175 बॉलांनी 146 धांवड्यो केल्यो. हातूंत 23 चवक्यांचो आनी दोन सक्यांचो आस्पाव आशिल्लो. ताका अमिर हमजान बाद केलो.
अफगाणिस्ताना वतीन निजत मसुदान सगल्यांत चड दोन विकेटी घेतल्यो. जाहिर खान, अमिर हमजा आनी रहमत शाह हांकां दरेकी एक विकेट फावो जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
