भांगरभूंय | प्रतिनिधी
खबरां संस्था
गाबाः टी-20 वर्ल्ड कपांतली बांगलादेश आनी झिम्बाब्वे हांचे मदीं गाबा हांका मॅच जाली. नाट्यमय घडणुकेन भरल्ली ही मॅच बांगलादेशान 3 धांवड्यांनी जिखली. हे मॅचींत निमण्या बॉलार एक मजेदार गजाल जाली. ताका लागून मॅच जिखले उपरांत खेळगड्यांक परत खेळपा खातीर आपयलें. निमाण्या बॉलांर झिम्बाब्वेक मॅच जिखपा खातीर 1 बॉलांत 5 धांवड्यांची गरज आशिल्ली. त्या वेळार मुझाराबानी मोसाद्देक हुसेनाच्या बॉलार एलबीडब्ल्यू जालो. मात तो बॉन नोबॉल आशिल्लो. हरशी बांगलादेशाच्या विकेटकीपरान बॉल विकेटीच्या फुडें येवन मोसाद्देक एलबीडब्ल्यू केल्लें. अंपायरान हो बॉल नोबॉल थारायलो. ही घडणूक जाली तेन्ना बांगलादेशाचे खेळगडे जैताची खोशी मनयताले. मात टीव्ही रिप्ले पळयले उपरांत अंपायरान नोबॉलाचो निर्णय घेतलो. अशे स्थितींत मॅच पुरत सुरू जाली. झिम्बाब्वेक तेन्ना जैता खातीर 1 बॉलांत 4 धांवड्यांची गरज आशिल्ली.
नशिबान झिम्बाब्वेक जिखपाची आनीक एक संद दिल्ली. मात मोसाद्देक हुसेनाच्या निमण्या बॉलार चौको मारपाक जमलें ना आनी एक धांवडीय करपाक मेळ्ळी ना. अशे तरेन हे मॅचींत तांकां 3 धांवड्यांनी हार खावची पडली. बांगलादेशान आपल्या डावांत 7 बाद 150 धांवड्यो केल्यो नजमुल हुसेन शांतोन 55 बॉलांत 7 चौके आनी एका सक्यान 71 धांवड्यो केल्यो. उपरांत झिम्बाब्वेचो पंगड 8 गडी वोगडावप फकत 147 धांवड्यो करपाक शकलो. झिम्बाब्वे खातीर सीन विल्यम्सान 42 बॉलांत 64 धांवड्यो केल्यो. ताका शकीब अल हसनान रनआवट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
