भांगरभूंय | प्रतिनिधी
ढाका, खबरां संस्था ः व्हॉट्सअॅप, फेसबूक, इंस्टाग्राम वापरपी संवसारांत अब्जांनी लोक आसात. तातूंतल्या चडश्यांक ताचें वेसनूच लागलां. पूण भारताच्या शेजारच्या बांगलादेशान व्हॉट्सअॅप आनी इंस्टाग्राम सारक्या अॅपांचेर बंदी घाल्या. देखून आतां ह्या देशांतल्या नागरिकांक हे सोशल मिडिया अॅप्स वापरूंक मेळनात. इंस्टाग्राम, युट्युब, व्हॉट्सअॅप ह्या सारक्या हेर सोशल मिडिया प्लॅटफॉर्मांचेर शेख हसीना सरकारान कालच्यान बंदी घाल्या.
प्रधानमंत्री शेख हसीना आनी तांच्या सरकारा आड खर आंदोलन सुरू आसा. नोकऱ्यांनी आरक्षणाची मागणी करपाक लोक रस्त्यार देंवल्यात. देशांत कायदो आनी सुवेवस्थेची समस्या निर्माण जाल्या आनी बांगलादेश सरकारान खर निर्णय घेतल्यात. ते प्रमाण शेख हसीनाच्या सरकारान इंस्टाग्राम, युट्युब, व्हॉट्सअॅप ह्या सारक्या हेर सोशल मिडिया प्लॅटफॉर्मांचेर आतां बंदी घाल्या.
इंटरनॅटाची स्पीडय स्लो
बांगलादेशांत शुक्रारा सावन सगळ्या सोशल मिडिया प्लॅटफॉर्मांचेर बंदी घाल्या. मेटा प्लॅटफॉर्मांचे नेटवर्क मर्यादीत आसा. इंटरनॅटाची स्पीडय स्लो केल्या. व्हीपीएन वापरून लेगीत कोणाकूच सोशल मिडियाचो वापर करपाक मेळना. पयली 17 जुलयाक इंटरनॅट बंद केलो. हाचे उपरांत 18 जुलयाक ब्रॉडबँड इंटरनॅटूय बंद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
