भांगरभूंय | प्रतिनिधी
मडगांवः राय वाठारांतल्या टेंबी बस स्टॉपाचेर सुषमा शिरोडकार बशीची वाट पळयत आशिल्ली. स्कूटरीवेल्यान आयिल्ल्या दोग चोरांनी तिच्या गळ्यांतल्यान मंगळसूत्र काडून पळ काडलो. ह्या प्रकरणांत गुन्यांव नोंद करुन मायणा कुडटरी पुलीस चवकशी करतात.
मेळिल्ले म्हायती प्रमाण, ही घडणूक 10 मार्चाक घडली. सुषमा ही बँकेंत शाखा वेवस्थापक म्हणून काम करता. सोमारा सकाळीं 9 वरांचे सुमाराक ती कामाक वचपा खातीर बशीची वाट पळयत आशिल्ली. त्याच वेळार रॉयल एनफील्ड बुलेट घेवन आशिल्ल्या दोग अनवळख्यानी शिरोडकार हांच्या गळ्यांतल्यान मंगळसूत्र ओडून घेवन पळ काडलो.
तिणें मजती खातीर बोवाळ केलो, पूण तो मेरेन दुबावित पळून गेल्ले. मंगळसूत्राचें मोल सुमार 1.10 लाख रुपया आसा. सुषमा शिरोडकार हांणी पुलिशेंत कागाळ केल्या. ह्या प्रकरणाची फुडली चवकशी पुलीस निरिक्षक अरुण गांवस देसाय हांच्या मार्गदर्शना खाला उपनिरिक्षक वेरोनिता कुतिन्हो करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
