भांगरभूंय | प्रतिनिधी
चिंबला, रावणफोंड आनी पेडण्यां अपघात
भांगरभूंय । प्रतिनिधी
पणजीः गोंयांत ल्हान व्हड अपघात चालूच आसा. हातूंत शुक्रारा सकाळीं 8.30 वरांचेर चालकाचो मोटारी वयलो ताबो गेल्ल्यान रावणफोंड पुला लागसारा रस्त्या कुशीक मोटार उमथली. हातूंत ड्रायव्हर किरकोळ जखमी जालो. पूण गाडयेचें व्हड लुकसाण जालें.
दुसरे वटेन पणजेच्या चिंबल जंक्शनाचेर शुक्रारा सकाळीं 10 वरांचेर कदंब बस उमथली. वोल्त मारतना ड्रायव्हराचो बशी वयलो ताबो गेलो आनी बस उमथली. गाडयेचो ब्रेक फेल जाल्लो अशें कळटा. पुलीस आनी उजो पालोवपी दळाक अपघाताची म्हायती मेळटाच घडणूक सुवातेर येवन प्रवाशांक भायर काडले. ह्या अपघातांत कोणाक कांय जावंक ना. जाल्यार न्हंयबाग – पेडण्यां राष्ट्रीय म्हामार्गाचेर म्हाल येरादारी करपी ट्रक उमथलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
