भांगरभूंय | प्रतिनिधी
भांगरभूंय । प्रतिनिधी
मंगळुरूः शक्तिनगर, मंगळुरू हांका बसती वामन शणै हांची दुसरी पुण्यतीथ विश्व कोंकणी केंद्रांत पाळ्ळी. अंकूश नायक हाणे सितार वादन आनी भालचंद्र प्रभू हाणे भक्ती गीतां गांवन तांकां आर्गां ओंपली. ह्या कलाकारांक राजेश भागवत (तबलें), श्रीदत्त प्रभू (पखवाज) आनी प्रसाद कामत (हार्मोनिअम)हांणी साथ संगत केली.
बसती वामन शणै हांच्या पुतळ्याक मानेस्तांनी फुलां हार घातले. उपरांत जाल्ले आर्गां ओपपाचे कार्यावळींत विश्व कोंकणी केंद्राचो अध्यक्ष नंदगोपाळ शणै हाणे कोंकणी अभिवृद्धीक बसती वामन शणै हांणी दिल्ल्या योगदाची म्हायती दिली. प्रभाकर जोशी. डॉ कस्तुरी मोहन पै, नारायण कामत, एडवर्ड सिकेरा, गीती सी किणी, ज्युलिएट मोरास हांणी बसती वामनमामले विशीश्ट व्यक्तिमत्व, नेतृत्व गुण आनी संघटन सामर्थे हे संबंदीच्यो यादी सांगल्यो. रमेश नायक आनी वाल्टर डिसोझा, रमेश पै आनी संशोधक डॉ बी देवदास पै कार्यावळीक हाजीर आशिल्ले. कोंकणी विश्व केंद्राची ट्रस्टी शकुंतला आर किणी आनी सुचिता एस शणै हांणी कार्यावळीचें संयोजन केलें. डॉ वैष्णवी किणीन बसती वामन शणऐ अभिमान गीत गायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
