बळीश्ट सैन्य मळार भारत चवथे सुवातेर

भांगरभूंय | प्रतिनिधी

भांगरभूंय । खबरां संस्था

नवी दिल्ली : भारतांत संवसारांतलें चवथ्या क्रमांकाचे बळिश्ट सैन्य आसात. ग्लोबल फायरपॉवराच्या ‘मिलिटरी स्ट्रेंथ लिस्ट-2023’ संकेतथळान संवसारांतल्या 145 देशांच्या सैन्याच्या तांकीचें विश्लेशण करून ही क्रमवारी जाहीर केल्या.
सगळ्यांत बळिश्ट सैन्यांच्या मळार अमेरिकेचो पयलो क्रमांक आसा. रशिया दुसरो, चीन तिसरो आनी ब्रिटन पांचवे सुवातेर आसा. भारतान चवथी सुवात तिगोवन दवरल्या. फाटल्या वर्साय भारत चवथे सुवातेर आशिल्लो. दक्षीण कोरिया सव्या क्रमांकाचेर, पाकिस्तान सातवे, जपान आठवे, फ्रांन्स णवे आनी इटली धावे सुवातेर आसा.

पाकिस्तानाचे सैनीक उणे
भारतांत 14.44 लाख सक्रीय लश्करी जवान आसात. भारताचे तुळेंत पाकिस्तानाचे सैनिक अर्द्या परस उणे आसात. भारतांतय पाकिस्ताना परस निम लश्तरी सैन्य चड आसा. भारतांत तें 25,27,000 तर पाकिस्तानांत फकत पांच लाख आसा.

भारतांत 4500 रणगाडे, 538 झुजारी विमानां
भारतीय सैन्या कडेन 4500 रणगाडे आनी 538 झुजारी विमानां आसात. चीनांत 20 लाख सैनीक आसात. अमेरिकेचें पॉवरइंडेक्स मोल 0.0712 आसा. रशियेचें मोल 0.0714 आसा आनी चीनाचें मोल 0.0722 आसा. भारताची क्रमवारी मोल 0.1025 आसा.
पाकिस्तानाचें मोल 0.1694 आसा.
ग्लोबल फायरपॉवराच्या मतान लश्करी युनिट्स, अर्थीक स्थिती, क्षमता आनी भूगोल पळोवन देशाचो पॉवर इंडेक्स थारायता. देशांतल्या वट्ट फायर पॉवराक पॉवर इंडेक्स अशें म्हण्टात.

भूतान सगळ्यांत निमणो बळिश्ट देश
ग्लोबल फायर पॉवरच्या वळेरेंत आस्पाव केल्ल्या वट्ट 145 देशांमदीं भूतान हो लश्करी नदरेत सगळ्यांत उणो बळिश्ट देश. भूतान 145, बेनिन 144, मोल्दोव्हा 143, सोमालिया 142 आनी लायबेरिया 141 क्रमांकाचेर आसा. तशेंच हे वळेरें प्रमाण सुरिनामाचो क्रमांक 140 वो, बेलीझ 139 वो आनी अस्तंत आफ्रिकेचो देश सिएरा लिओनाचो क्रमांक138 वो आसा. आयसलँडाचो क्रमांक 137 वो आनी मध्य आफ्रिकन प्रजासत्ताकाचो क्रमांक 136 वो आसा.