भांगरभूंय | प्रतिनिधी
जोयडा, खबरां संस्था ः यल्लापूर तालुक्यांतल्या हिट्टिन बैल लागसार शुक्रारा रातीं जाल्ल्या भिरांकूळ अपघातांत तिग जाणांक मरण आयलें. जाल्यार सात जाण गंभीर जखमी जाले. बल्लारी-कारवार राष्ट्रीय म्हामार्गाचेर हो अपघात जालो.
आंबेवाडी सावन मंगळूर वचपी केएसआरटीसीची प्रवासी बस हुबळी सावन यल्लापूराचे वटेन येताली. ह्या वेळार म्हामार्गाचेर केरळ नोंदणीकृत लॉरी पार्किंग लायटी सुरू करिनासतना राविल्ली. व्हड पावसाक लागून बशीक फुडलो रस्तो दिसूंक नाशिल्ल्यान बशीन लॉरीक धपको दिलो.
ह्या अपघातांत जखमी जाल्ल्या सात प्रवाशांतल्या पांच प्रवाशांक हुबळीच्या किम्स हॉस्पिटलांत दाखल केल्यात. आनी उरिल्ल्या दोगांक यल्लापूर सरकारी हॉस्पिटलांत उपचार सुरू आसात. हे संबंदी यल्लापूर पुलीस स्टेशनांत गुन्यांव नोंद केलां. फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
