भांगरभूंय | प्रतिनिधी
केपें: कुडचड्यार एके नेण्टे चलयेचेर बलात्कार केल्ल्या प्रकरणांत कुडचडेंच्या करमलीवाड्या वयल्या मोहिद्दीन हुलगुरी (30) हाका कुडचडें पुलिसांनी अटक केल्या. ताका तीन दिसांचे पुलीस कोठडेंत घेतला.
कुडचडें पुलिसांनी दिल्ले म्हायती प्रमाण ह्या वाठारांत एके नेण्टे चलये कडेन इश्टागतीचे संबंद दवरून दुबावीत तिका मेळपाक आपयतालो. एकदां तिका अशीच आपयिल्ली आनी तिचेर बलात्कार केल्लो. हे संबंदांत पिडीत चलयेन कागाळ नोंद केल्या. गोवा चिल्ड्रन अॅक्ट आनी हेर कलमा खाला दुबाविता आड गुन्यांव नोंद करून ताका अटक केल्या. दुबाविताक केपें न्यायालयांत उबो केलो तेन्ना ताका तीन दिसांची पुलीस कोठडी फर्मायल्या. ह्या प्रकरणांत कुडचडें पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
