भांगरभूंय | प्रतिनिधी
अलहाबाद हायकोर्टान निठारी प्रकरणांत आरोपींचें अपील स्विकारलें
अलहाबाद, खबरा संस्था: अलहाबाद हायकोर्टान नोएडाच्या निठारी प्रकरणांत सुरेंद्र कोली आनी मोनिंदर सिंह पंधेराचें अपील स्विकारलें. गाझियाबादच्या सीबीआय कोर्टान तांकां गोळाक लावपाची ख्यास्त दिल्ली. तिका उच्च न्यायालयान स्थगिती दिल्या. न्या. अश्विनी कुमार मिश्रा आनी न्या. एस एच ए रिझवी हांच्या खंडपीठान हो निकाल दिला. बरेच व्हड चर्चे उपरांत सप्टेंबरांत अपिलाचेर निर्णय राखून दवरिल्लो.
२००५ आनी २००६ चे निठारी घडणुकेंत बलात्कार आनी खून अशे मेळून वट्ट १९ गुन्यांव दाखल जाल्ले. तीन प्रकरणांनी पुलिसांनी उण्या पुराव्यांक लागून क्लोजर रिपोर्ट दाखल केलो. सीबीआय कोर्ट गाझियाबादचो निर्णय १६ प्रकरणांनी आयला. सुरेंद्र कोलीक १३ गुन्यांवांनी फाशीची ख्यास्त जाल्ल्यार तीन प्रकरणांनी निर्दोश सोडला.
मोनिंदर पंधेर हाका दोन खटल्यांत फांशी, एका प्रकरणांत सात वर्सांची बंदखण आनी चार प्रकरणांत निर्दोश मुक्त केल्लो. दोनूय दोशींनी फांशीचे ख्यास्ती आड अलाहाबाद उच्च न्यायालयांत अपील केल्ली. फांशीच्या सगळ्या खटल्यांचेर उच्च न्यायालयान निकाल दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
