भांगरभूंय | प्रतिनिधी
भांगरभूंय । प्रतिनिधी
काणकोणः मोखर्ड श्रीस्थळहांगच्या बलराम डेकॅर विद्यालय आनी बलराम खेळ आनी सांस्कृतीक क्लबा वतीन धंड हंडी कार्यावळ जाली. विद्यार्थी राधा- कृष्णाच्या भेसांत तातूंत वाटेकार जाल्ले. गोविंदा रे गोपाळा रे ह्या पदाच्या तालाचेर विद्यर्थ्यांनी धंय हंडी फोडली. मुख्याध्यापक अशोक गांवकार हाणे श्रीकृष्णाच्या फोट्याक हार घातलो.
जल्माश्ठमी निमतान विद्यार्थ्यां खातीर वेगवेगळ्या सर्ती आयोजीत केल्ल्यो. तातूंत संगम नैवकार, आदर्श वेळीप, नेहाल वेळीप, राज गांवकार, सोमनाथ देसाय, श्रवण काणकोणकार, नितिला देसाय, अपर्णा वेळीप, गुंजन परीट, दिव्या गांवकार, अनुशा गांवकार, दिलशन गांवकार, गौतम गांवकार, पियुष नायक, रिद्दी गडेकार, अनुजा वागोणकार, पू्र्णा वेळीप, कौस्तुभ म्हाळशी, सक्षम फातर्पेकार, मंदेश वेळीप ह्या विद्यार्थ्यांनी इनामां मेळयली.
शिक्षिका उमा गांवकार आनी जयशीला गांवकार हांणी सर्तीचें परिश्रण केलें. सूत्रसंचालन कौस्तुभ म्हाळशीन केलें आनी भावना वेळीप हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
