भांगरभूंय | प्रतिनिधी
पणजी: बर्देस अस्मिताय केंद्राचे हालींच जाल्ले बसकेंत अध्यक्ष म्हणून कुसूम अग्रवाल आनी सचीव पदार सोनाली चोडणकार हांणी एका वर्साच्या काळा खातीर नेमणूक जाली.
तशेंच भांडारी म्हणून नूतन साखरदांडे, उपाध्यक्ष अनघा कामत, सहसचीव प्रविणा थळी, जोड भांडारी वामन धारवाडकार हांणी निवड जाली. तशेंच वांगडी म्हणून चंद्रिका पाडगांवकार, काश्मिरी पावसकार, प्रिती फुलारी, सुचेता कामत पै, गोविंद मोपकार, अपर्णा गारुडी, कामत, सुभाष नायक हांची निवड जाली.
केंद्रान हया वेळार वर्स जावपी कार्यावळींचें नियोजन केलें. विवीध सांस्कृतीक, समाजीक आनी शिक्षणीक, साहित्यीक कार्यावळींची वळेरी करून मंडळान दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
