भांगरभूंय | प्रतिनिधी
वंदे मातरमाचेर जातली अधिवेशनांत चर्चा
पणजी : बर्च घडणूक, विस्कळिल्लो कायदो सुवेवस्था, युनीटी मॉल, मेगा प्रकल्पांक दिल्ले परवाने ह्या विशयांचेर शिंयाळें अधिवेशन गाजतलें. बर्च घडणुकेचेर चर्चेची मागणी विरोधक करतनाच सरकारा वतीन वंदे मातरमाचेर १३ जानेवारीक चर्चा जातली. अधिवेशनाचें कामकाज थारावपा खातीर मंगळारा कामकाज सल्लागार समितीची बसका जाली. सभापती गणेश गांवकार हांचे सयत मुख्यमंत्री डॉ. प्रमोद सावंत, विरोधी पक्षफुडारी युरी आलेमाव आनी हेर वांगडी बसकेक हाजीर आशिल्ले.
बर्च घडणुकेंत २५ जाणांक मरण येवप ही गंभीर घडणूक जावन आसा. राज्यपालांनी आपल्या अभिभाशणात हाचो उल्लेख करपाक जाय. बर्च घडणके सयत कायदो सुवेवस्था, युनीटी मॉल, जमीन विक्री हे मुद्दे विरोधक संयुक्तपणान मांडटले, अशें विरोधी पक्ष फुडारी युरी आलेमाव हांणी बसके उपरांत म्हणलें. विरोधकांक आपले प्रस्न मांडपाची पुराय संद मेळपाक जाय, अशी मागणी बसकेंत केली.
अधिवेशनांत १३ जानेवारीक वंदे मातरमाचेर चर्चा जातली, अशी म्हायती मुख्यमंत्री डॉ. प्रमोद सावंत हांणी दिली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
