भांगरभूंय | प्रतिनिधी
फोंडें : फोंडेंचे मुख्याधिकारी योगीराज गोसावी हांची बनावट सय आनी पालिकेचो स्टॅम्प वापरून उत्पन्नाचो दाखलो घेतिल्ल्या प्रकरणांत सदानंद सीताराम प्रभुगांवकार (सिल्वानगर-फोंडें) हाचे आड पुलिसांनी गुन्यांव नोंद केला. ह्या प्रकरणांत आनीक कांय जाणां आड गुन्यांव नोंद जावपाची शक्यताय आसा.
उत्पन्नाच्या दाखल्या खातीर अर्ज केल्ल्या सदानंद प्रभुगांवकार हांणी आदलो बनावट उत्पन्नाचो दाखलो जोडिल्ल्याचें पालिकेच्या कर्मचार्यांक कळ्ळें. ते प्रमाण अधिकार्यांनी मुख्याधिकारी योगीराज गोसावी हांचे नदरेक हाडून दिले उपरांत ह्या दाखल्याचेर बनावट सय आशिल्ल्याचें समजलें. गोसावी हांणी फोंडें पुलीस स्टेशनाचेर वचून कागाळ दिली. पुलिसांनी चड चवकशी केले उपरांत ह्या बनावट उत्पन्नाचो दाखलो गोमेकॉंत वापरिल्ल्याचें चवकशे वेळार स्पश्ट जालें. बुधवारा रातीं पुलिसांनी गुन्यांव नोंद केलो. ह्या प्रकरणांत आनीक कांय जाणांचेर गुन्यांव नोंद जातलो. निरीक्षक विजयनाथ कवळेंकार हांच्या मार्गदर्शना खाला उपनिरीक्षक आशिष वेळीप तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
