भांगरभूंय | प्रतिनिधी
बटाटो आनी कणगांक भारतीय रांदचे कुडींत म्हत्वाचें स्थान आसा. इंग्लीशींत तांकां समान नांवां आसा. पाॅटेटो आनी स्वीट पाॅटेटो. बटाट्याक भाजयांचो राजा म्हणटात. दर दिसा सगलेच तो खाताच. कणगेची रुच, वळख मात्शी वेगळी. चडशे उपासाक वा गोड कितें तरी करपाक ताचो वापर करतात. थंडेच्या दिसांनी कणग्यो चड खातात.
बटाट्यांत व्हिटामीन सी चड आसता. ११५ ग्राम बटाटो खाल्यार ११ टक्के व्हिटामीन सी मेळटा. तातूंत व्हिटामीन ६ आसता. तें रक्तपेशींक बरें. तें मूड आनी न्हिदेचेर नियंत्रण दवरता. बटाट्यांत पोटॅशियम आसता. तें रक्तदाब नियंत्रीत करता. जें स्नायूंक बरें. बटाट्यांत स्टार्च आसता. हें कार्बोहायड्रेट. आतड्यांक बरें. मात पोटांत दुखता जाल्यार बटाट खावचो न्हय.
कणग्यांनी जीवनसत्वां, खनिजां, अँटिऑक्सिडंट, फायबर आसतात. जें बऱ्यो बॅक्टेरिया वाडपाक उर्बा दिता. आंतकड्यांची भलायकी सुदारता, कणग्यांनी बीटा-कॅरोटीन आनी प्रोविटामिन ए आसता. जें आतकड्यांनी व्हिटॅमिन ए तयार करता. एक मध्यम आकाराची कणगी खाल्यार (114 ग्रॅम) 122% व्हिटामीन ए मेळटा. पेशींच्या विकासा खातीर, रोगप्रतिकार शक्त वाडोवपाक तें बरे. दोळ्यांची नदर सुदारपाक कणग्यो खांवच्यो.
कणग्यांनी पॉलिफेनॉल हे अँटिऑक्सिडंट्स आसता. तें जळजळ कमी करपाक, कोलेस्टेरॉलाची पातळी सुदारपाक आनी रक्तातली साकर नियंत्रित करपाक मजत करता. तांबडीं कणगांय बरीं.
मात बटाट आनी कणग्यो चड खावच्यो न्हय. अॅलर्जी आशिल्ल्यान त्यो खावपाक जायना. तातूंत व्हिटामीन ए चड आसता. खूब कणग्यो खाल्यार जिवाक माल. बटाटोय चड खावपाक जायना. गोडेंमुत आशिल्ल्यान बटाट चड खावचो न्हय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
