भांगरभूंय | प्रतिनिधी
म्हापालिका वेंचणूक आचार संहिते पयली जायरात
722 पदां खातीर आयोगान मागयल्यात अर्ज
13 मार्च मेरेन मुजत, 20 फेब्रुवारीक पोर्टल उक्तो
भांगरभूंय । प्रतिनिधी
पणजी : पणजी म्हापालिका वेंचणुकेची आचारसंहिता लागचे पयलीं कर्मचारी भरती आयोगान बंपर भरतीची जायरात दिल्या. पुलीस शिपायांच्या 500 वयर पदां सयत 722 पदां खातीर कर्मचारी भरती आयोगान अर्ज मागयल्यात. इत्सुकांक 13 मार्च 2026 मेरेन अर्ज करप गरजेचें आसा. अर्ज फक्त ऑनलायन पद्दतीन घेतले. अर्ज सादर करपाचो पोर्टल 20 फेब्रुवारी 2026 सावन सुरू जातलो, अशे आयोगान कळीत केलां.
पदां विशीं कसलेय तरेचो पत्रवेव्हार आयोग स्विकारचो ना. अर्ज https://gssc.goa.gov.in या पोर्टलाचेर सादर करचे पडटले. शिक्षणीक पात्रताय तशेंच हेर अटी सयत पुराय जायरात 20 फेब्रुवारी 2026 मेरेन जारी जातली. आयोगान सध्या तात्पुरती जायरात दिल्या.
सगल्यांत चड म्हणल्यार 722 पदां खातीरची अंदूं वर्साची ही पयलीच जायरात आसा. हाचे पयलीं मुळाव्या शाळांतल्या शिक्षक पदां खातीर जायरात जारी जाल्या. मात हे जायरातींत पदां उणीं आशिल्लीं.
जायरातींतलीं पदां आनी तांचो आंकडो :
रेंज फॉरेस्ट ऑफीसर- 13 पदां (सर्वसामान्य 5, एसटी 2, ओबीसी 4, इडब्ल्यूएस 2), प्लटून कमांडर (दादले)- 4 पदां (यूआर 3, ओबीसी 1), रावंड फॉरेस्टर- 23 पदां (यूआर 11, एसटी 2, ओबीसी 8, ईडब्लूएस 2), पुलीस शिपाय- 360 पदां (दादले/ बायलां), पुलीस शिपायांच्या 360 पदां मदलीं दादल्यां खातीर 302 जाल्यार बायलां खातीर 58 पदां,
दादल्यां खातीर आशिल्ल्या 302 पदां मदीं (यूआर 152, एसटी 35, एससी 5, ओबीसी 81, ईडब्लूएस 29). दादल्यां खातीर आशिल्ल्या 302 पदां मदलीं एक्स सर्वीसमॅन- 16, गुणवान खेळगडे- 14, आदले अग्नीवीर/ सुरक्षा रक्षक/ मनीसबळ उदरगत म्हामंडळाचे कर्मचारी- 37 पदां आसात.
बायलां खातीर 58 पदां- (यूआर 30, एसटी 6, एससी 2, ओबीसी 15, ईडब्लूएस 29) बायलां खातीर आशिल्ल्या 58 पदां मदीं गुणवान खेळगड्यो- 4, आदले अग्नीवीर/ सुरक्षा रक्षक/ मनीसबळ उदरगत म्हामंडळाचे कर्मचारी- 6 पदां आसात.
पुलीस शिपाय (सशस्त्र दळ)- 119 पदां (यूआर 72, एसटी 15, एससी 1, ओबीसी 21, ईडब्लूएस 10) 119 पदां मदीं एक्स सर्वीसमेन 1 पद, गुणवान खेळगडे- 2 पदां आसात.
पुलीस शिपाय (ड्रायवर ग्रेड 3)- 111 पदां (यूआर 57, एसटी 13, एससी 2, ओबीसी 29, ईडब्लूएस 10) 111 पदां मदीं एक्स सर्वीसमेन- 2 पदां, गुणवान खेळगडे- 5 पदां आरक्षीत आसात.
शिपाय (ग्रीजर) – 1 पद (यूआर- 1), शिपाय (इलेक्ट्रिशियन)- 1 पद (यूआर- 1), फॉरेस्ट गार्ड- 9 पदां (यूआर 4, एसटी 1, ओबीसी 3, इडब्लूएस 1), सहाय्यक सुपरीटेंडेंट (दादले)- 4 पदां (एसटी 1, ओबीसी 3), वॉर्डन (दादले) – 60 पदां (यूआर 28, एसटी 6, एससी 2, ओबीसी 21, ईडब्लूएस 3), 60 पदां मदीं एक्स सर्वीसमेन 2 पदां, गुणवान खेळगडे- 1 पद आरक्षीत आसा, मॅट्रन (बायलां)- 10 पदां (यूआर 5, एसटी 1, ओबीसी 3, ईडब्लूएस 1), लास्कर (दादले) – 5 पदां (यूआर 1, एसटी 1, ओबीसी 2, इडब्लूएस 1) आनी एस्कॉर्ट (बायलां)- 2 पदां (यूआर 1, एसटी 1).
अपात्र उमेदवारांक शिटकावणी
अपात्र आशिल्ल्या उमेदवारांनी ह्या पदां खातीर अर्ज करचे न्हय. अपात्र उमेदवारांनी अर्ज केल्यार तांचे आड खर कारवाय जातली, अशी शिटकावणी आयोगान दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
