भांगरभूंय | प्रतिनिधी
दमास्कस, खबरां संस्था: फाटल्या ११ दिसां सावन सिरियांत बंडखोर पंगड आनी लश्कर हांचे मदीं चलिल्ल्या झुजांत बंडखोर सैनीक राजधानी दमास्कसांत घुसल्यात. सीएनएनच्या अहवाला प्रमाण फाटल्या सप्तकांत बंडखोरांनी सिरियांतल्या चार मुखेल शारांचेर कब्जो केला. आपल्या हातांत घेतल्यांत. हातूंत अलेप्पो, हमा, होम्स आनी दारा ह्या शारांचो आसपाव आसा.
राष्ट्राध्यक्ष बसर अल-असद हांणी सीरिया सोडलें. लश्करी सैन्यांनी, देशांत राष्ट्रपतींचा अधिकार सोंपलो. दुसरें म्हळ्यार, सीरियाच्या प्रधानमंत्र्यांनी बंडखोर गटांकडेन सत्ता सोपोवपाचो प्रस्ताव दवरला. संघर्शाक लागून आतां मेरेन ३.७० लाख लोक स्थलांतरीत जावचें पडलां.
बंडखोर सैनिकांनी ६ डिसेंबराक ताब्यांत घेतिल्ल्या दारा शारांतल्यान राजधानी दमास्कसांत प्रवेश केला. दारा हें तेंच शार जंयच्यान २०११ त राष्ट्राध्यक्ष बशर अल-असद हांच्या आड बंड सुरू जाल्लें. दारा ते राजधानी दमास्कसचे अंतर सुमार १०० किमी आसा. थळाव्या बंडखोरांनी हांगा कब्जो केला. तशेंच वेळी अलेप्पो, हमा आनी होम्स इस्लामीक अतिरेकी गट हयात तहरीर अल-शामच्या ताब्यांत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
