भांगरभूंय | प्रतिनिधी
कोलकाता, खबरां संस्था ः अस्तंत बंगालांतल्या हातमागावेल्या मलमलीच्या जामदानी साडयेची मागणी पुराय जावंक नाशिल्ल्यान ह्या साड्यांचें दर 15 लाख रुपया मेरेन पावलां. अशी साडी हातमागाचेर विणपाक 3 वर्सां लागतात. ह्या वावरांत दादल्यांपरस बायलो चड कुशळ आसात. नाजूक हातांनी कापसां पसून दोरो ओडप हें बायलांच करुंक शकतात. संत कबीर पुरस्कार फावो जाल्ले ज्योतिशी राजीव देबनाथ म्हणटात, मलमलीच्यो जामदानी साडयो विणताना मन आनी तकली शांत दवरची पडटा. रागात काम केल्यार दोरो तुट्टा. कारण तो नाजूक आसता. दोरो तुटलो जाल्यार पुराय सप्तकाचें कश्ट फुकट वतात. बायलांक सहज रोखडो राग येना. हाका लागून तांचें काम दादल्यां परस बरे तरेन जावंक शकता.
600 बायलांचो 6 वर्सां अभ्यास करून तांणी हो निश्कर्श काडला. मलमलीच्यो जामदानी साडयो कॅनडा, मलेशिया, दुबय, अमेरिका आनी ब्रिटन सयत 67 देशांनी निर्यात करतात. ह्या सांडयांचे सकाळी आनी सांजवेळार विणपाचे काम जाता. दोरो लवचीक करपा खातीर न्हंयेचे देगेर विणकाम करतात. तेंय सकाळीं वत येवचें पयलीं 4- 5 वरां आनी सांजवेळार सूर्य अस्तंमते पयलीं 3- 4 वरां. हातमागाच्या सकयल एक फोंडकुल आसता. तातूंत माती भरतात. विणकार ताचेर बसून विणकाम करतात. ओलसाणा खातीर हातमागाचेर बांबू-तण दवरतात.
जामदानींत जाम म्हळ्यार फुल आनी दानी म्हळ्यार कुंडी आसता. मलमलीच्या जामदानी प्रिटांनी फुलां आनी पानांक म्हत्व दितात. हा साडी विणपाक बांदणी, पटोला, कांजीवरम आनी बनारसी साड्यांपरस चड वेळ लागता. ह्यो साडयो 3- 4 हजार ते 15 लाख रुपया मेरेन मेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
