भांगरभूंय | प्रतिनिधी
बंगळुरू, खबरां संस्था: दिल्लींत घडिल्ली श्रद्धा वालकर खून प्रकरणा सारकीच एक घडणूक बंगळुरूक घडल्या. एके बायलेचो खून करून तिचे कुडीचे २० कुडके करून ते फ्रिजांत दवरिल्ले. बंगळुरूच्या व्यालिकवल वाठारांत ही घडणूक घडली.
पुलिसांनी दिल्ले म्हायती प्रमाण, २९ वर्सां पिरायेचे महालक्ष्मी नांवाचे तरणाटेचो खून जालो. हो खून १५ दिसां पयलींच जाल्लो. महालक्ष्मीचे कुडीचे कुडके करून फ्रिजांत दवरले. शेजार्यांक घाण आयिल्ल्यान तांणी हे विशींची म्हायती महालक्ष्मीच्या सोयर्यांक दिली. सोयर्यांनी येवन पळयल्या उपरांत हो प्रकार उक्ताडार आयलो. महालक्ष्मीच्या घोवाचें नांव हेमंत दास. मात फाटल्या कांय दिसां सावन ती एकटीच रावताली.
ह्या खुनाच्या प्रकरणांत व्यालिकवल पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
