भांगरभूंय | प्रतिनिधी
बंगळुरू, खबरां संस्था: २७ वर्सां पिरायेची सॉफ्टवेअर इंजिनिअर शिल्पा पंचांगमथ हिची कूड बेंगळुरूंतल्या सुद्दागुंटेपल्या हांगा तिच्या घरांत लोंबकळिल्ले अवस्थेंत सांपडली. मरणा वेळार ती गुरुवार आशिल्ली. तिका २ वर्सां पिरायेचो एक पुतूय आसा.
शिल्पाच्या घोवान आनी सासून हुंड्या खातीर छळ केल्ल्याचो आरोप तिचे आवयन केला. तिणें मुखार म्हणलें, आपणें जावयाक सुमार १५० ग्रॅम भांगर दिल्लें. मात तो आनीक पयशे मागतालो.
ह्या प्रकरणांत बेंगळुरू पुलिसांनी तपास सुरू केला. मात, तांकां कसलेच तरेची सुसाईड नोट सांपडूंक ना. शिल्पाचे आवयचे कागाळी वेल्यान तिचो जावंय प्रवीण हाका बायलेक आत्महत्त्या करपाक लायिल्ल्या आरोपा खाला अटक केली.
आरोपी सॉफ्टवेअर इंजिनिअर आशिल्लो
बंगळुरू पुलिसांचे म्हायती प्रमाण, शिल्पाचें लग्न ५ डिसेंबर २०२२ दिसा गंगावती म्हालांतल्या वड्डारहट्टी गांवांतल्या प्रवीण हाचे कडेन जाल्लें. ह्या लग्नांत कुटुंबान सुमार ३५ लाख रुपया खर्च केले आनी प्रवीणाक १५० ग्रॅम भांगर दिलें. लग्ना उपरांत तीं दोगांय बीटीएम लेआवटांत रावपाक लागलीं. प्रवीण व्हाईटफील्डच्या ओरेकलांत काम करतालो. मात लग्ना उपरांत ताणें काम सोडलें आनी तो पाणीपुरी विकपाक लागलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
