भांगरभूंय | प्रतिनिधी
बँक ऑफ महाराष्ट्र क्षेत्रीय कार्यालय गोंय हांचे वतीन हालींच रत्नागिरीच्या हॉटेल मथुरा हांगां रिटेल एक्सपो कार्यक्रमाचें आयोजन केल्लें.
ह्या वेळार रत्नागिरी आनी सरभोंवतणच्या वाठारांतल्या गिरायकांचो मेळावो घेतलो. गिरायकांक विवीध रीण येवजण्यांची म्हायती दिली. हातूंत घर, वाहन, निवृत्तीधारकांक आदार, भांगर तारण अश्या रिणांची म्हायती दिली. जांकां रीण मंजूर जालां, अश्या लाबार्थींक रीण मंजुरीचीं पत्रां दिलीं.
क्षेत्रीय वेवस्थापक आनंद शंकर हांचे हस्तुकीं एक्स्पोचें उक्तावण जालें. उप क्षेत्रीय प्रबंधक आनंद डिंगणकार हांणी प्रास्ताविक केलें. मुख्य प्रबंधक विक्रम गोंधळी आनी धीरज हांणी येवकार दिलो. क्षेत्रीय कार्यालयांतले अधिकारी आयुष, सुजित हांणी विवीध येवजण्यांची म्हायती दिली. बँक ऑफ महाराष्ट्राचे कर्मचारी ह्या वेळार हजर आशिल्ले.
आनंद शंकर हांणी विशेश काळांत ह्या येवजण्यांचो लाव घेवपाचें आवाहन केलें. गिरायकांक बरी सेवा दिवपाक बँक बांदील आसा, अशेंय तांणी सांगलें. आज राष्ट्रीयकृत बँकांमदीं बँक ऑफ महाराष्ट्र वेवसाय वृद्धीचे बाबतींत मुखार आसा. गिरायकांनी ह्या वेळार बँकेचे सेवे विशीं तुस्त, तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
