भांगरभूंय | प्रतिनिधी
पणजी : पेन्शन्स फंड्स आनी भारतीय रेग्युलरिटी अॅथॉरिटीचे (पीएफआरडीए) अध्यक्ष सुप्रतीम बंडोपाध्याय हांचे हाजेरींत बँक ऑफ इंडियाचो यूपीआय सक्षम डिजिटल प्लॅटफॉर्म सुरू जालो. ह्या वेळार ए के दास (एमडी आनी सीईओ) बँक ऑफ इंडिया, स्वरूप दासगुप्ता (कार्यकारी संचालक, बँक ऑफ इंडिया), एम कार्तिकेयन (कार्यकारी संचालक, बँक ऑफ इंडिया), मोनिका कालिया (कार्यकारी संचालक, बँक ऑफ इंडिया) आनी हेर मानेस्त हाजीर आशिल्ले. कार्यकारी संचालक ए जी दास, पीएफआरडीए आनी सीजीएम, पीएफआरडीए कडल्यान मोनो फुंकर हांचे वांगडा सरवेवस्थापक डी एस शेखावत (सरकारी वेवसाय विभाग, बीओआय) आनी मुकेश शर्मा, विभागीय वेवस्थापक (नवी दिल्ली, बीओआय आनी के-फिनटेक पंगड)
बँक ऑफ इंडियान के-फिनटेक वांगडा एनपीएस खातीर आपलो डिजिटल मोड सुरू करून राष्ट्रीय पेन्शन येवजणे कडेन आशिल्ल्या वचनबद्धतेक व्हड उर्बा दिल्या.
आतां गिरायक फकत क्यूआर कोड स्कॅन करून मोबायलाचेर एनपीएस खातें उगडूंक शकतात. ही प्रक्रिया सादी, वेगवान आनी पुरायपणान कागदविरयत आशिल्ल्यान गिरायकांक फकत कांय क्लिकांनी नवे खातें उगडपाक सोंपें जाता. फुडें नव्या ग्राहकांकय क्यूआर कोडांतल्यान वेव्हार करपाक मेळटा. एनपीएस ही भारत सरकारान जाण्टेपणाची सुरक्षीतताय आनी पेन्शन दिवपा खातीर सुरू केल्ली गुंतवणूक सह पेन्शन येवजण आसा आनी तिचें नियंत्रण अर्थ मंत्रालयाच्या खाला जाता. हे येवजणेक लोकप्रियता मेळत आयल्या.
सुप्रतीम बंडोपाध्याय हांणी सांगलें, बँक ऑफ इंडियान नव्या एनपीएस नोंदणी खातीर के-फिनटेक हांचे वांगडा आपलो डिजिटल मोड सुरू केला अशें जाहीर करपाक आमकां खोस जाता. बँकेचो हो डिजिटल उपक्रम पेन्शन भारतीय समाजाची आमची दृश्टी साकार करपाक आमच्या यत्नांक गतिशील रितीन तोखणाय करतलो अशें म्हाका दिसता. ”
ए के दास हांणीय विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
