भांगरभूंय | प्रतिनिधी
नवी दिल्ली, खबरां संस्था : पदवी मेळयले उपरांत बँकेंत काम करपाक सोदपी तरणाट्यां खातीर एक बरी खबर. इंडियन बँकेन थळाव्या बँक अधिकारी स्केल-ख ह्या पदा खातीर भरती अधिसुचोवणी जाहीर केल्या. ह्या पदां खातीर अर्ज करपाची प्रक्रिया सुरू जाल्या. इत्सूक उमेदवारांनी बँकेचे वेबसायटी वरवीं indianbank.in २ सप्टेंबर मेरेन ऑनलायन अर्ज करूं येता. हे भरती प्रक्रियेंतल्यान बँक वट्ट ३०० पदां घेवपाची आसा. जाहीर केल्ले अधिकृत अधिसुचोवणे प्रमाण उमेदवारांक २ सप्टेंबराक वा ताचे आदीं अर्ज करपाक मेळटलो. उमेदवारांनी लक्षांत घेवचें की फकत नेमा प्रमाण अर्ज फॉर्म वैध आसतलो.
थळाव्या बँक अधिकारी स्केल-ख पदां खातीर अर्ज करतना उमेदवाराक पदवी प्रमाणपत्र अपलोड करचें पडटलें. अर्जदाराची पिराय २० ते ३० वर्सां मदीं आसपाक जाय. ओबीसी वर्गांतल्या अर्जदारांक चडांत चड पिराय मर्यादेंत ३ वर्सां आनी अनुसूचित जाती आनी अनुसूचित जनजाति वर्गांतल्या उमेदवारांक ५ वर्सांची सूट दिल्या.
सामान्य आनी ओबीसी वर्गांतल्या उमेदवारांक १००० रुपया अर्ज शुल्क भरचें पडटलें. जशें एससी/एसटी/पीडब्ल्यूबीडी वर्गांतल्या उमेदवारांक अर्ज शुल्क १७५ रुपया थारायलां. शुल्क डेबिट कार्ड, क्रेडीट कार्ड वा इंटरनॅट बँकिंग वरवीं ऑनलायन जमा करूं येता.
शॉर्टलिस्ट केल्ल्या अर्जदारांची लेखी चांचणी आनी मुलाखती वरवीं निवड जातली. येसस्वी उमेदवारांक मुलाखती खातीर आपयतले. परिक्षा २०० गूण आनी मुलाखत १०० गूण आसतले. वेंचून आयिल्ल्या उमेदवारांक म्हयन्याक ८५,९२० रुपया पगार दितले. हे भरती संबंदीत चड म्हायती तुमकां बँकेचे वेसायटीचेर मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
