भांगरभूंय | प्रतिनिधी
फ्रान्स, खबरां संस्था: फ्रान्सांत सीन पोर्ट ह्या गांवान स्मार्टफोनाचें वेसन सोडोवपा खातीर एक आगळो वेगळो फुडाकार घेतला. ह्या गांवांत भौशीक सुवातांचेर स्मार्टफोनांचेर निर्बंध घालपा खातीर मतदान घेतलें. ५४% लोकांनी स्मार्टफोनाचेर निर्बंध घालपाचे वटेन मतदान केलें. दुकानदारांकूय मागणी करता, येवपी- वचपी लोकांक फोन उणो वापरपाक उर्बा दिता आनी दुकाना भायर निर्बंधांचें स्टिकर लायात.
इतलेंच न्हय पयलेच फावट फ्रान्सांत स्मार्टफोनाच्या वापराचेर थळाव्या प्रशासना वरवीं लेखी आदेशूय जारी करतले. मात, राष्ट्रीय पांवड्यार कायदो नाशिल्ल्यान दोशींचेर कसलीच कारवाय करचे नात. फ्रान्सांत स्मार्टफोन आनी स्क्रीन टायम वेगान एक राजकी मुद्दो जाता.
सामान्य हँडसेट दितलें
नेण्ट्या चले-चलयांचे आवय-बापूय भुरग्यांक जर १५ वर्सां पिराये पयलींच स्मार्ट दिवपाक सोदतात जाल्यार तांकां लिखीत करार केले उपरांत टावन हॉलांत (भौशीक सभाघरां) भुरग्यांक फकत कॉल करपा खातीर सामान्य हँडसेट दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
