भांगरभूंय | प्रतिनिधी
पणजी ः फ्रँकलीन टेम्पलटनान (इंडिया) गोंयचे बाजारपेठेंत फ्रँकलीन इंडिया बॅलन्स्ड अॅडव्हांटेज फंड (एफआयबीएएफ) नांवाचो ओपन-एंडेड डायनॅमिक अॅसेट एॅलोकेशन फंड लाँच केला. इक्विटी आनी इक्विटी संबंदीक इन्स्ट्रुमेंट्सांत जावपी बदल आनी फिक्स्ड इनकम आनी मनी मार्केट इन्स्ट्रुमेंट्साच्या पोर्टफोलिओंत इन्व्हेस्टमेंट मॅनेज करून लाॅग-टर्म कॅपिटल अॅप्रिसिएशन आनी इनकम जनरेट करपाचो फंडाचो हेतू आसा.
फ्रँकलीन टेम्पलटन हांकां गोंयांत म्युच्युअल फंड गुंतवणुकीच्या फायद्या विशीं चडांत चड गुंतवणूकदारा मेरेन पावोवपाच्या उद्देशान फंड हावस गोंयांत आपले वितरक वाडोवपाचेर काम करता. गोंयांतल्या म्युच्युअल फंड उद्देगाच्या वेवस्थापना खालची मालमत्ता सध्या सुमार 21 हजार कोटी रुपया पणजी, मडगांव आनी वास्को ह्या सारक्या मुखेल शारांनी पातळ्ळ्यात आनी मध्यम ते दीर्घ काळांत वेगान वाडी खातीर सज्ज आसा.
एफआयबीएएफ मार्केट व्हॅल्युएशन आनी फंडामेंटल फॅक्टर्स निर्धारीत मोख आदारीत इक्विटी आनी डेब्ट हांचे मदीं कुशळटायेन नियोजन अलोकेशन करता. फक्त इक्विटींतले वाडीचेच संदीचो लाव घेवपाक इत्सूक आसा. मार्केटांतले अस्थीरतायेचो प्रभाव उणो करपाक लेगीत प्रेफरन्स दिवपी लोकां खातीर हें प्राॅडक्ट योग्य आसा. नवी फंड आॅफर 16 आॅगस्ट 2022 दिसा सुरू जाल्या आनी ती 30 आॅगस्टाक बंद जातली. ते मजगतीं युनिट्स रु. 10 /-प्रती दरान उपलब्ध आसतले. इन्व्हेस्टरांक गोंयांत बदलत्या मार्केटांतल्यान सुलभ आनी कार्यक्षम पद्दतीन नेव्हिगेट करपाक मजत करतली अशी आनीक एक वैविध्यपूर्ण इन्व्हेस्टमेंट आॅफर हाडपाक आमी इत्सूक आसात अशें फ्रँकलीन टेम्पलटन इंडियाचे अध्यक्ष अविनाश सातवळेकर हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
