भांगरभूंय | प्रतिनिधी
भांगरभूंय । प्रतिनिधी
फोंडेंः फोंड्याच्या येरादारी पुलिसांनी आयोजीत केल्ल्या पयल्या क्रिकेट प्रीमियर लीग सर्तींत एम एस टायगर पंपडान वस्तादपण मेळयलें. फायनलींत तांणी एस के चॅलेंजर पंगडाक हारयलें. तुषार मेळेकारान मॅन ऑफ दी सिरीज पुरस्कार फावो जालो.
फर्मागुडी हांगा गोंय इंजीनियरींग म्हाविद्यालयाच्या मैदानार ही सर्त आयोजीत केल्ली. तातूंत येरादारी कर्मचाऱ्यांचे एम एस टायगर, एस के चॅलेंजर, एस एस स्ट्रायकर्स आनी साळगांवकार वॉरियर्स ह्या पंगडांनी वांटो घेतल्लो. उपनिरीक्षक सूरज काणकोणकाराक फिल्डर, शाम भाऊदाणेक बॉलर आनी विजय म्हार्दोळकाराक बॅट्समन म्हणून खासा इनामां दिलीं. येरादारी पुलीस निरीक्षक कृष्णा सिनारी हांचे हस्तुकी इनामां भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
