भांगरभूंय | प्रतिनिधी
भांगरभूंय । प्रतिनिधी
फोंडेंः फोंडें हांगच्या क्रांती मैदानार भारताच्या 75 व्या स्वातंत्र्य दिसा प्रभाकर वेरेकार, लक्ष्मण नारायण वेलिंगकार, सुरेश अनंत केरकार आनी तुळशीदास कामत ह्या सुटके झुजाऱ्यांचो मरणा उपरांत भोवमान केलो. तांच्या सोयऱ्यांनी कृशी मंत्री रवी नायक हाचे कडल्यान हो भोवमान स्विकारलो.
सुरवेक सकाळी रवी नायक हांचे हस्तुकीं ध्वजारोहण जाले. हुतात्मा यादस्तिकांक फुलां ओपून तांणी हुतात्मांक आर्गां ओपलीं. फोंडे पालिकेचो नगराध्यक्ष रितेश नायक आनी हेर मानेस्त ह्या वेळार हाजीर आशिल्ले. भुरग्यांनी उच्च शिक्षण घेवन देशाक बळीश्ट करपा खातीर योगदान दिवपाक जाय. पंतप्रधान नरेंद्र मोदी हांणी भारताक संवसारीक मळार नामना मेळोवन दिल्या. ताका लागून लागींच्या फुडरांत भारत विश्व गुरू जातलो अशें नायक हांणी ह्या वेळार केल्ल्या भाशणात सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
