भांगरभूंय | प्रतिनिधी
सांचिल्ल्या उदकाक लागून दुयेंसां पातळपाची भिरांत
भांगरभूंय । प्रतिनिधी
फोंडें: फोंडेंच्या वयल्या बाजारांतल्या नुस्त्यां मार्केटांत पावसाचें उदक सांचून उरता. ताका लागून नुस्तें व्हरपाक दर दिसा येवपी शेंकड्यांनी लोकांक त्रास जातात. सांचून उरिल्ल्या उदकाक घाण मारता. थंय दुयेंसां पातळपाची भिरांत आसा. पालिकेन दखल घेवन तें उदक भायर काडचें, अशी मागणी वाडपाक लागल्या.
फाटल्या कांय दिसा सावन पडपी पावसाचें उदक मार्केटांत सांचून उरलां. ताका लागून गिरायक आनी नुस्तें विक्रेत्यांची समस्या वाडल्या. कांय नुस्तें विक्रेत्यांनी दिल्ले म्हायती प्रमाण मार्केटांत सांचिल्लें उदक भायर काडपाची पालिके कडेन मागणी केल्ली. पूण अजून मेरेन पालिकेन दखल घेवंक ना. कांय जागरूक नागरिकांनीय मार्केटांत उदक भरिल्ल्याची म्हायती भलायकी खात्याक दिल्ली. ते प्रमाण भलायकी खात्याच्या अधिकाऱ्यांनी पळोवणी करून पालिकेच्या अधिकाऱ्यांक उदक भायर काडपाचो आदेश दिल्लो. पूण अजून मेरेन आदेशाक पाळो दिवंक ना. हे खातीर गिरायकांनी तशेंच नुस्तें विक्रेत्यांनी खर नारजी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
