भांगरभूंय | प्रतिनिधी
भांगरभूंय । खेळां मेज
पणजीः फोंडें लायन्स क्लबान फोंडें तालुको बुद्दीबळ असोसिएशनाच्या पालवान दोळ्यांनी सारकें दिसना अश्या भुरग्यां खातीर आयोजीत केल्ले बुद्दिबळ सर्तींत धनंजय गावडेन वस्तादपण मेळयलें. ढवळी हांगच्या लोकविस्वास प्रतिश्ठान शाळेंत आयोजीत केल्ले हे सर्तींत वरद कन्नूर, हजरत शेख, संजना पवार आनी यशवंत नागेशकार हाणी दरेकी दुसरी, तिसरीय चवथी आनी पांचवी सुवात मेळयली.
अमोघ नमशिकार सर्तीचे मुखेल आर्बिटर आशिल्लो. सर्त येसस्वी करपा खातीर सारिका च्यारी आनी लक्ष्मिकांत नायक हाणी परिश्रम घेतले. डॉ सुश्मिता बखलेस, सचिन काळे आनी योगेश तेंडूलकार हांणी ही सर्त पुरस्कृत केल्ली.
फोडें तालुको बुद्दिबळ असोसिएशनाचो अध्यक्ष आनी लोकविस्वास प्रतिश्ठानाचो ट्रस्टी सागर साकोर्डेकार, लायन्स कल्ब विभागीय अध्यक्ष सुनिता पार्सेकार, फोंडें लायन्स क्लब अध्यक्ष उमा गायतोंडे, लोकविस्वास प्रतिश्ठानाची सचीव सविता देसाय, लायन्स क्लब फोंड्याची सचीव अर्चना तेंडुलकार, आनंद नेरूरकार, महेश गायतोंडे आनी संदीप तेंडुलकार हांचे हस्तुकीं जैतिवंताक इनामा भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
