भांगरभूंय | प्रतिनिधी
फोंडें, प्रतिनिधी ः फोंडें येरादारी पुलीस स्टेशनाच्या 4 कर्मचाऱ्यांक आनी फोंडें पुलीस स्टेशनाच्या एका कर्मचाऱ्यांक बडटी दिल्या. हांतूत सहाय्यक उपनिरिक्षक अजीत रामदास नायक हांकां उपनिरीक्षक, हवालदार प्रशांत रामा गावडे हांकां सहाय्यक उपनिरिक्षक आनी पुलीस शिपाय रविचंद्र अनंतू आनी महेंद्र दत्ता नायक हांकां , हवालदार पदाचेर बडटी दिल्या. जाल्यार फोंडें पुलीस स्टेशनाचे हवालदार रघुनाथ गावस हांकां सहाय्यक उपनिरिक्षक पदाचेर बडटी दिल्या.
फाटलीं कांय वर्सां सावन फोंडें येरादारी पुलीस स्टेशनांत सहाय्यक उपनिरिक्षक म्हणून काम करपी अजीत नायक हांकां उपनिरिक्षक पदाचेर बडटी मेळ्ळ्या. तांणी फोंडें, कुळें आनी हेर पुलीस स्टेशनां तशेंच गुन्यांव विभागांत उत्कृश्ट कामगिरी केल्या.
येरादारी पुलीस खात्यांत सहाय्यक उपनिरिक्षक म्हणून बडटी मेळिल्ले प्रशांत रामा गावडे हांणी फोंडें, कुळें, पणजी आनी हेर पुलीस स्टेशनांनी काम केलां. तशेंच तांणी फोंडें गुन्यांव विभागांत उत्कृश्ट कामगिरी केल्या.
फोंडें पुलीस स्टेशनाचे हवालदार म्हणून काम करपी रघुनाथ गावस हांकां सहाय्यक उपनिरिक्षक पदाचेर बडटी मेळ्ळ्या. रघुनाथ गावस हांणी पणजी, वाळपय, कुळें आनी फोंडें पुलीस स्टेशनांनी हवालदार म्हणून उत्कृश्ट कामगिरी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
