भांगरभूंय | प्रतिनिधी
भांगरभूंय । प्रतिनिधी
फोंडेंः फोंडें तालुको बुद्धिबळ असोसिएशनान (पीटीसीए) तळावली- फोंडे हांगा आयोजीत केल्ले बुद्धिबळ सर्तीत हार्दिक केसी जैतिवंत थारलो. मातृछाया बालकल्याण आश्रमाच्या वट्ट 20 सर्तकांनी हे सर्तींत वांटो घेतिल्लो.
आंतरराष्ट्रीय बुद्धिबळ दिसा निमतान गोंय बुद्धिबळ असोसिएशनाच्या पालवान ही सर्त आयोजीत केल्ली. हेमंत जयस्वाल, विष्णू, विशाल कुमार आनी विनोद हांणी सर्तींत दुसरी, तिसरी, चवथी आनी पांचवी सुवात मेळयली. पीटीसीएचो अध्यक्ष सागर साकोर्डेकार आनी मुखेल सोयरो नागेश फडटे हांणी जैतिवंतांक इनामां भेटयलीं. ह्या वेळार बाल कल्याण आश्रम समिती वांगडी प्राजक्ता चितळे, मृणाल सामंत अमोघ नमशिकार, बाल कल्याण आश्रम संचालक अरूण धर्माधिकारी आनी आनंद कुर्टीकार हाजीर आशिल्ले.
सर्तीचे सुरवेक सागर साकोर्डेकार हाणे सगल्यांक येवकार दिलो आनी निमाणे उपकार मानले. अमित करवंदे आनी स्वप्नील हांणी सर्त येसस्वी करपाक परिश्रम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
