भांगरभूंय | प्रतिनिधी
सरकारी नोकरी फटवणूक प्रकरण
फोंडें: सरकारी नोकरी फटवणूक प्रकरणांत फोंडें पुलिसांनी उसगांवचे एके बायलेन केल्ले कागाळीची न्यायालयांत चार्जशीट दाखल केल्या. ह्या गुन्यांवांत दीपाश्री सावंत गांवस मुखेल सुत्रधार आशिल्ली. फोंडें पुलिसांनी ह्या प्रकरणांत दीपाश्री सावंत गांवस, सुनाती पाऊसकार आनी सागर नायक हांकां अटक केल्ली.
माशेलांतल्या एका हायस्कुलांत शिक्षकाची नोकरी दिवपा खातीर 15 लाख रुपया फटवणूक केल्ल्या प्रकरणांत रितसर कागाळ दाखल जाले उपरांत फोंडें पुलिसांनी पुलीस कर्मचारी आशिल्लो सागर नायक हाका अटक केल्ली.
उपरांत दुबाविताची मामी आशिल्ली मुख्याध्यापिका सुनिता पाऊसकार हिकाय अटक केले उपरांत त्या प्रकरणांत दीपाश्री सावंत गांवस मुखेल सुत्रधार आशिल्ल्याचें मुखार आयलें.
फोंडें पुलिसांनी दीपाश्री सावंत गांवस हिचे आड लूक आवट नोटीस काडिल्ली. पूण लिपून राविल्ल्या दीपाश्री सावंत गांवस हिका गोंयांत दाखल जातकच पुलिसांनी अटक केल्ली.
फोंडें पुलीस स्टेशनाचे निरिक्षक विजयनाथ कवळेंकार हांणी तपास करून ह्या प्रकरणाची चार्जशीट न्यायालयांत दाखल केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
