भांगरभूंय | प्रतिनिधी
सुदीन ढवळीकार: फोंडें बसस्टॅण्डा वेल्या रस्त्याच्या डांबरीकरण कामाचो शुभारंभ
फोंडें: कदंब बस सॅण्ड लागसारा आशिल्ल्या 92 हजार जाग्याचेर बस पोर्ट उबारतले. केंद्र सरकाराचे येवजणे खाला फोंडें सयत पणजी, म्हापशें, कुडचडें आनी मडगांवां बस पोर्ट उबारतले. हातूंत सगळे तरेच्या वाहनांची तपासणी आनी ड्रायव्हींग ट्रॅकचो आसपाव आसतलो. ह्या कामाची सुरवात येवपी डिसेंबर म्हयन्या सावन जातली अशें वीज मंत्री सुदीन ढवळीकार हांणी सांगलें.
फोंडेंच्या कदंब बस स्टॅण्डावेल्या रस्त्याची फाटल्या कितल्याशाच म्हयन्यां सावन सामकी बाबत अवस्था जाल्ली. त्या रस्त्याच्या जालो. कामाचें उक्तावण केल्या उपरां मंत्री उलयताले. ह्या वेळार बांदोडा पंचायतीचे सरपंच सुखानंद कुर्पासकार, पंच रामचंद्र नायक, वामन नाईक, बांदकाम खात्याचे सहाय्यक अभियंते अरविंद फडते आनी हेर पंच वांगडी हाजीर आशिल्ले.
कदंब बस उभारपा खातीर आदले मुख्यमंत्री रवी नायक हांणी फुडाराचो विचार करून निर्णय घेतिल्लो. पूण बसस्टॅण्डाक खुबश्या जाणांनी विरोध करून आंदोलनां केलीं. पूण बदलपी काळांत कदंब बस स्टॅण्ड म्हत्वाचो थारला. थळावे पंचायती वतीन सतत सहकार्य केलां. सध्या कदंब बस स्टॅण्डाचें दुरुस्तीचें काम सुरू आशिल्ल्यान फुडल्या 3 महिन्यांत काम पुराय जातलें अशें वीज मंत्री सुदिन ढवळीकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
