भांगरभूंय | प्रतिनिधी
फोंडें : फोंडें विधानसभा पोट वेंचणुकेंत उमेदवारी नेमकी कोणाक दिवची हो निर्णय भारतीय जनता पक्ष आपल्या पांवड्यार घेतलो. आमी ह्या पक्षाचे निश्ठावंत वावुरपी. अशी प्रतिक्रिया नगरसेवक आनी आदले नगराध्यक्ष रितेश रवी नायक हांणी दिली.
सोमारच्यान तांणी खडपाबांदावेल्या आपल्या कार्यालयांतल्यान लोकांक मेळपाक सुरवात केली, तेन्ना ते उलयताले.
हे विशीं तांणी मुखार म्हणलें, पक्षाचो जो कितेंय निर्णय आसतलो तो भाजपाच्या दरेका कर्यकर्त्याक मान्य करचोच पडटा. उमेदवारी रॉय नायक हांकां दिवपाची काय म्हाका हो निर्णय पक्ष घेतलेंच. तो मेरेन आमी दोगूय भाव मेळून स. रवी नायक हांचे विचार, दायज आनी तांणी जें काम पयलीं घेतिल्लें तें मुखार व्हरपाचो यत्न करतले. आपली कामां घेवन लोकांनी आमचे कडेन संपर्क करपाक सुरवात केल्या.
सध्या आमी लोकांच्या कामांक प्राधान्य दितात. भाजपांत आनीक कांय इत्सूक उमेदवार आसात, हे विशीं विचारलें तेन्ना तांणी उलोवपाचें टाळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
