भांगरभूंय | प्रतिनिधी
सांगें शिगमोत्सव चित्ररथ सर्तः रोमटांमेळांत अवेडेकार समाज, बोरी पयलो
सांगें: सांगेंचे आमदार, मंत्री आनी शिगमोत्सव समितीचे अध्यक्ष सुभाष फळदेसाय आनी समितीचे पदाधिकारी, वांगडी हांणी सांगेंचें आराध्य दैवत श्रीपाईक देवाक नाल्ल ओंपून, बेंडवाडो हांगासरल्या श्रीकानडीपुरुस देवाक नाल्ल ओंपून आनी आशिर्वाद घेवन सांग्यार सरकारी शिगमोत्सव मिरवणुकेक सुरवात जाली. हे चित्ररथ सर्तींत फोंडेंच्या त्रिवेणी कला संघाक पयलें इनाम फावो जालें. जाल्यार रोमटामेळांत बोरयेच्या अवेडेकार समाजाक पयलें इनाम फावो जालें.
आयतारा सांजवेळा 5.30 वरांचेर ज्युनियर गटांतले सर्तीक सुरवात जाली. ह्या वेळार माचयेर सांगेंचे आमदार, मंत्री आनी शिगमोत्सव समितीचे अध्यक्ष सुभाष फळदेसाय, नगराध्यक्षा अर्चना गांवकार, उपनगराधक्ष इकबाल सय्यद, जिल्हो पंचायत वांगडी सुरेश दत्ता केपेकार, वांगडी दिव्या नायक, संजय रायकार, सुप्रज नारक तारी, सांगें नगरपालिकेचे मुख्यधिकारी सिद्धार्थ प्रभू, सरपंच चंद्रकांत गांवकार, आदले आमदार वासुदेव मेंग गांवकार, नगरसेवक संतीक्षा गडकार, संगमेश्वर नायक, प्रीती नायक, सरपंच बुंदा वरक, वैशाली नायक, कॅरोज क्रुज, अल्का फळदेसार, नगरसेवक श्वेता नायक तारी, पर्यटन खात्याचे प्रतिनिधी, विवीध ग्रामपंचायतीचे सरपंच, पंचायत वांगडी हाजीर आशिल्ले.
सिनियर गटांतल्या वेशभुशा सोंपले उपरांत लोकनृत्य सर्तीक सुरवात जाली. म्हत्वाचे म्हणल्यार माची मानेस्तांचे हाजिरेंत भरून गेल्ली. जाल्यार प्रेक्षकांक बसपा खातीर खासा आसन वेवस्था केल्ली. कार्यावळीचे योग्य आयोजन केल्ल्याचें दिसून येतालें.
रातच्या आठ वरांचेर रोमटामेळ सर्तीक सुरवात जाली. आयोजकां कडल्यान कार्यावळी वेळार आनी शिस्तींत जावपा खातीर आवाहन करताले.
आयोजन समितीचे अध्यक्ष मंत्री सुभाष फळदेसाय आयोजनाचेर बारीक लक्ष दवरून आशिल्ले. पुलीस निरिक्षक तुकाराम चव्हाण हांणी चोख पुलीस बंदोबस्त दवरिल्लो. स्वता चव्हाण मिरवणूक येसस्वी करपा खातीर वावुरतना दिसून आयले.
चित्ररथ सर्तीचें पयलें इनाम त्रिवेणी संघ फोंडें, दुसरें- देवतीवाडो युवक मंडळ कुडचडें, तिसरें- श्रीकृष्ण हौशी मंडळ मडगांव, चवथें- महारुद्र युवक मंडळ वास्को, पांचवें- शिवराय युवा मंडळ कालें जाल्यार सवें- श्रीसाई कला मंडळ मडगांव हांकां फावो जालें.
रोमटामेळ सर्तींचें पयलें इनाम अवेडेकार समाज बोरी, दुसरें- श्रीपाईकदेव शिगमोत्सव समिती सांगें, तिसरें- मंडलेश्वर वाजें शिरोडें, चवथें- खांडेपार शिगमोत्सव सामिती खांडेपार, पांचवें- चंद्रेश्वर भूतनाथ, केपें जाल्यार सवें- हिंदवी स्वराज, दिवाडी, तिसवाडी हांकां फावो जालें.
लोकनृत्य सर्तीचें पयलें इनाम श्रीशांतादुर्गा शिवरंजनी कुट्टी, फोंडें, दुसरें- श्रीराम कला संघ फोडें, तिसरें- नवदुर्गा कला संघ मडकय- फोंडें, चवथें- टिटो स्पोटस कल्चरल पैंगीण- काणकोण जाल्यार पांचवें परशुराम कला संघ पैंगीण- काणकोण हांकां फावो जालें.
वेशभुशा: व्हड गटांत- पयलें इनाम- धनंजय नायक, दुसरें-सिद्धी मराठे, तिसरें- सुरेश नायक, चवथें- सुशांत गोवेकार, पांचवें माया साळगांवकार जाल्यार सवे- समिधा नायक हांकां फावो जालें.
ल्हान गटांत- पयलें इनाम चिन्मय कपील नायक, दुसरें- रुथ्वी संतोष नायक, तिसरें- कियान माधव नायक, चवथें- आरवी तळावलीकार, पांचवें- शिवम सुहास वेळीप जाल्यार सवें- श्रीशा सचीन नायक हांकां फावो जालें.
कार्यावळीचें राजेश गांवकार आनी संगमेश्वर नायक हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
