भांगरभूंय | प्रतिनिधी
पारवडेश्वर महिला मंडळ दुसरें जाल्यार सांतेरी स्वरांजली ग्रूप तिसरो
भांगरभूंय । प्रतिनिधी
फोंडें: राजीव गांधा कला मंदिरा वतीन आयोजीत केल्ले 14 वे राज्य पांवड्या वयले महिला फुगडी सर्तींत गोठावाडो बेतोडेंच्या सांतेरी कला संघाक पयलें इनाम फावो जालें. ताका रोख 30 हजार आनी घोळटो करंडक भेटयलो.
सर्तींतलें दुसरें इनाम केरी- सत्तरीच्या भायल्यावाड्या वयल्या पारवडेश्वर महिला मंडळाक जाल्यार तिसरें इनाम वाघोण किर्लपालच्या सांतेरी स्वरांजली ग्रुपाक फावो जालें.
सर्तींतलें पयले उमेद वाडोवपी अनाम रवळनाथ महिला मंडळ, न्हावेली सांखळी, दुसरें इनाम ज्ञान ज्योती महिला मंडळ, घोटेली- केरी आनी तिसरें इनाम म्हापशेंच्या बोडगेश्वर फुगडी मंडळाक फावो जालें.
उत्कृश्ट गायना खातीर सांतेरी कला संघ, गोठावाडो बेतोडें हाका पयलें, ब्राह्मण नरसिंह सांतेरी चिकोलकार पंगड, चिखली वास्को हाका दुसरें जाल्यार सांतेरी स्वरांजली ग्रुप, वाघोण किर्लपाल हाका तिसरें इनाम फावो जालें.
सर्तीचें परिक्षण अनील उसगांवकार, पौर्णिमा केरकार, कमलाकर म्हाळशी, जयंती नायक आनी नारायण नायक हांणी केलें.
कला आनी संस्कृती मंत्री गोविंद गावडे हांचे हस्तुकीं जैतवंतांक इनामां भेटयलीं. ह्या वेळार फोंडेंचे नगरसेवक शांताराम कोलवेंकार माचयेर हाजीर आशिल्ले. राजीव गांधा कला मंदिरा वतीन आयोजीत केल्ले फुगडी सर्तीक बायलांनी उत्स्फूर्त प्रतिसाद दिलो. ताका लागून ही सर्त येसस्वी जाली. फुगडी सारकी परंपरा फुळगे पिळगे मेरेन व्हरचे खातीर गोंयच्यो बायलो यत्न करतात, अशें मंत्री गावडे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
