भांगरभूंय | प्रतिनिधी
काणकोणः मनोहर पर्रीकार राष्ट्रीय म्हामार्गार तशेंच ह्या रस्त्या कुशीक आशिल्ल्या बगल मार्गार फोंडकुलां पुरयिल्लीं आसलीं तरी भगतवाड्यार सम्राट भगत हांच्या घरा कुशीक राष्ट्रीय म्हामार्गा वेल्यान बगल मार्गार वचपा खातीर जो प्रवेश रस्तो आसा त्या रस्त्यार कांय कडेन फोंडुकलां आसून बगल मार्गा वेलीं आनी राष्ट्रीय म्हामार्गा वेलीं फोंडकुलां पुरयतना ही फोंडकुलां पुरोवंक नाशिल्ल्यान बुधवारा रातीं फोंडकुलांत दुचाकी पडिल्ल्यान दुचाकी वेली बायल जखमी जाली.
तिच्या दोळ्याक मार लागिल्ल्यान 108 अॅम्बुलन्सींतल्यान काणकोणच्या सरकारी हॉस्पिटलांत उपचारा खातीर व्हेली.
बगल मर्गार प्रवेश करपी रस्त्यार जीं फोंडकुलां आसात ती पुरोवपाची मागणी वैभव फळदेसाय हांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
